Read Punu Job 20 Bible Online

Job 20 - Punu bible

Job 20

¹Sofar muisi Naama amamuevosa na Job rie:

²Matasa mami mensotsi uwagula ngaa na pugu, la dibandu kabusulu tsietsitsi.

³Nsigulu nsiembu atsi ngesingi. Kabogu murima ami uipeyi diela uwagula.

⁴Gugejabi diambu diedidi: ubandila ava Nsambi amasundila mutu,

⁵batu babi bewimbili ndungu mua pesu temu, nsangu jigetsingingi, nyiina, jimutu mubi jigetsingingi.

⁶Ne pa okematisa na dunangu noyenagongamanga

⁷obuagu nderi mambi. Abamamujabanga bowivula rie: Aka?

⁸Olibunu nderi ndosi na bagomuemulaba; otsiemuga nderi yiriariamu.

⁹Jogu abamamugengila bagomuemulaba, mbura aji amatsaninanga jiusiala mududu.

¹⁰Jaʼ beni ogabusa abi amakinda, baana bandi bokutimisa bijaga.

¹¹Mangolu mabungebi usuka mesuki usuka mesuki o ngila.

¹²Posulu tsiandi tsivu nderi yima yidueyi ayi amakelisa o munu ayi amasuega o tsi dulimi.

¹³Amayinyakulanga amayikelisanga va yilansi.

¹⁴Tumba motsu mana meveyi moji buali, nderi agumagaku na nyoga.

¹⁵Biotsu abimaminu nandi Nsambi omuluyisa.

¹⁶Biotsu bina bivu nderi miangala minyoga, biboki dedi mosi na muduma.

¹⁷Agomuetasa mijamba agomuetasa digumba.

¹⁸Ogabusa abi amatsoyila usala, agolaba nsangu na abi amagukiga.

¹⁹Amakambisa na amaliyila bijaga nsima, amabapatula mandagu jaʼ beni amabusa umarunga.

²⁰Jiba andi jigoba na yilosi; biandi biotsu biumupatulu.

²¹Uji eji ne yimosi yigosiala, la dibandu biboti biandi bigotsinga.

²²Ne pa ana digumba dineni olabanga munyongu; Yideku yimotsu mana yiumubetsa.

²³Ava ogululu nsala Nsambi omulasa kabu andi ajiumubonduyila nderi mfula.

²⁴Diuleba okumba bavinitsi, oboku na mbansa tsikunga.

²⁵Orubula dubansa mu dunyuru duandi, orubula kodu dubansa mu mbombu andi, goma dufu jiumugaanga.

²⁶Pisama jipinda fio jimamusuegulu. Osiegalana o muji agugodukusunu.

²⁷Abiusiala o ndagu andi biusiegala wandi. Julu jiutubula mabi mandi butamba bumusingisila bumbeji.

²⁸Bima bindagu andi biukindu, yilumbu ayi kabu Nsambi yiulabinina.

²⁹Adina divu dikabu adi Nsambi esueyili batu babi, adina divu disukusulu adimabakunsulu.