Read Punu Job 29 Bible Online

Job 29 - Punu bible

Job 29

¹Job amamuewaka rie:

²Aa mbe nyiji va temu jikala ava Nsambi amakelisilanga, ava yijalala yiandi yimambonitsila!

³Yimambonitsanga nsila o tsi pisama!

⁴Nyimakelaba na bilima biwelimina, Nsambi amalasa jetu na mukuta ami durondu.

⁵Mungo Mangolu Motsu mbe akivu nami nesi na baana bami botsu babaala mbe baki nami.

⁶Va temu eni bisalu biami biotsu bimabueji, digumba dimatsi dimapalila yigamunu yiami!

⁷Ava nyimawendililanga o dikotulu dimusiengi uyetsana va yitsiga yiami,

⁸bafudu bamansisila mua temu na bivunda bamaretsama wandi.

⁹Baneni bamavola sui bamasika makaka va mabanga;

¹⁰basefu wandi bamaba lingi.

¹¹Nyimadodusu na jogu abamagulu mambu mami, nyimayitsu na abamandabanga;

¹²nyimawaka bijaga kalala, nesi yisiana ayisamba na muwamusi.

¹³Abamaba ulabilila va murima bamakabila miula, nyimawamusa bakuili bapuela.

¹⁴Dusungugu duami dumaba nderi biduaru biami; usigama uami nderi yijungi yiami nesi yiviovi yiami.

¹⁵Nyimawendisanga bidunga, nyimawamusanga bitsondu.

¹⁶Nyimaba taji ombu jogu abamalabanga maguga, nyimadilanga benyi na yisagumunu.

¹⁷Nyimabula mibaka mibikongu na nyimabapatula abamarumu nogu.

¹⁸Mbana nyimavosa nana Phenix rie: Nyufuila va diuva, bilumbu biami biubanganga bipuela.

¹⁹Nyivu nderi mbari va mfudu mamba, disala dimukolu diutsatsa metu mami.

²⁰Nyumuelasungu duyitsu, mangolu mami moba nderi pita ajimadutu.

²¹Va temu eni bamakulungu na bamapivanga, bamaba sui ava nyimabalonsila.

²²Nyinomananga uvosa, ne mutu mosi asamatsundanga, pesu pesu mambu mami mamakotanga.

²³Bamapiva dedi mosi nana bevivili mfula dedi mosi nana bevivili mfula jimutubu.

²⁴Ka muna nsangu ji, bango mirima mitsira bamalaba! Nyinobagengila, mirima miogu mimalengalana.

²⁵Nyimasola mansila mogu, nyimaba mulonsi ogu nsila: nyimaba nderi kaga va gari mabadi nderi mubembiyitsi agumabembiga bango munyongu.