Read Punu Nyimbu 139 Bible Online

Nyimbu 139 - Punu bible

Nyimbu 139

¹Duimbu duyivunda yibawimbitsi na duDavid Aa Fumu, ndeʼ gumakweliga na gumanjaba!

²Ndeʼ guijabi ava nyitsanini nesi avu nyiretsimmi, guijabi nesi matasa mami.

³Guinjabi ava nyisalilingi vo nyivumingi; guijabi bifu biami biotsu.

⁴Ne pa nyisakavosa diambu nde Fumu gumajaba diotsu kala.

⁵Nde guikandi nesi o nsima nesi o gusu, guinsakiyi dikaka diagu.

⁶Dujabu duagu dumambu dumapiolila, te na ngorungula udutsiyisa.

⁷Nyurungula urina Yinyunyi yiagu? nyurungula ugurina?

⁸Ne pa nyumata o julu ndeʼ guji guna; na pa nyuwenda o mbura jiabafu, ndeʼ guji guna wandi.

⁹Ne pa nyuba na mapapi uwenda o yiari ayi wisi epalili nesi ayi wisi ewendisini o nsima mubu,

¹⁰aguna wandi gukwendisanga na dikaka diagu na gukaanga na gogu agu umabaala.

¹¹Mbe nyina musuga uwivula pisama unsuega, nesi yijalala ukaiuga mukolu,

¹²digolabana mu mbari pisama jigaa pisama ombu gagu; pisama yikaluyi yijalala mukolu na nyangu bivu dedi.

¹³Ndeʼ gumasunda bilema biami na gumabinamiga ava nyikivu o moji nguji ami.

¹⁴Fumu nyigudodisi mu mbari nyivu yisundu yiboti; bisalu biagu bikakusungu, nyidijabi na buranga.

¹⁵Ava nguji ami amasamina gusamadijaba? Ava nyimabandila uroga mu dimi gusamandaba?

¹⁶Ava nyimabila yika yikitabila o gari moji gumandabanga; motsu mamaba masonugu mu dibuku diagu nesi bilumbu biami mbe bisakabanda.

¹⁷Aa Nsambi, matasa magu mavu mavura utsigusu nami, mavu mapuela mapuela.

¹⁸Nyurungula umatala? Pa nyumatala mavu mapuela mapuela uviolila yisieyi. Ava nyurambuyila nyiki nagu.

¹⁹Aa Nsambi gugorungula ubokisa mutu mubi, nokakasana bango dikasi vala nami?

²⁰Jogu beguvosili mambu makulini, bebivisi diina diagu nderi guvu mufuritsi!

²¹Aa Fumu, dibandu yi ngovinina jogu abeguvini? Ka muna divina di nyivini abavu mimbini ombu gagu!

²²Nyibavini na divina dineni; jogu bavu bavinitsi bami wandi.

²³Aa Nsambi, kwetsiyi, nojaba murima ami!

²⁴Kengili nolaba yeri nyina bifu bibi, kwamusi uduka bifu bibakaga bami.