Read Punu Nyimbu 25 Bible Online

Nyimbu 25 - Punu bible

Nyimbu 25

¹Duimbu duDavid. Aa Fumu, nyigeliyi ombu gagu,

²Nsambi ami, nyikevega ombu gagu; nyiyabasa na yisonyi! Batu abepini bayasangila mu diambu diami!

³Botsu abamakevega ombu gagu bayalasu yisonyi. Yisonyi yibi na mimbini! Basiali miogu na miogu.

⁴Aa Fumu, nsiabisi nsila aji nyuvioyila ndonsi utsana nana guirondili.

⁵Mbeyingi nondonsanga; ndeʼ guvu Nsambi na Mugobutsi ami nesi ditasa diami mutubu.

⁶Fumu rangimina yingeba yiagu nesi maboti magu ama gumalasanga ubanda va dibandu.

⁷Aa Fumu, guyarangimina nsimbulu tsibungebi buami, guyarangimina dilensa diami dipuela; kokolu, tangimini na yingeba yiagu, ndeʼ aguvu Fumu jiboti.

⁸Fumu avu muboti na avu usungama elonsi bavayitsi bamasumu nsila uvioyila.

⁹Elasi dusungugu duandi ombu mavolambombu ebalonsi duganu duandi.

¹⁰Kadi dilongi diFumu divu yilimba yi-usigama uandi ombu botsu abekelisi pangini andi.

¹¹Aa Fumu, ndeʼ guvu Nsambi tandi mabi mami mapuela mapuela.

¹²Pa mutu avu usigama uFumu, Fumu emulonsi nsila ajivu jiwelimina uvioga.

¹³Mutu eni osangilanga, bategula bandi bodila bulongu.

¹⁴Fumu ana bumbatsi na jogu abavu basigama, ebajabisi pangini andi.

¹⁵Nyigengilingi Fumu temu tsiotsu, ekwaki kalala.

¹⁶Aa Fumu, kengili na ndasi yingeba, nyivu pinsa na nyimakambulu.

¹⁷Maguga mami mamapiolila; kokolu, makusulili.

¹⁸Rangimina purulu tsiami tsiotsu tandi nsimbulu tsiami tsiotsu.

¹⁹Labati nana batu abepini bavu bapuela bapuela, ka muna divina di bepini!

²⁰Kengili nokwaka kalala! Aa nyiyalasu yisonyi, tsiri ombu gagu nyirombi yisuemunu yiami?

²¹Businganyi na dusungugu binsueyi; nyimaguvayila yitu!

²²Aa Nsambi, waka baIsrael kalala mu purulu tsiogu tsiotsu.