Read Punu Nyimbu 55 Bible Online

Nyimbu 55 - Punu bible

Nyimbu 55

¹Duimbu duyivunda yibawimbitsi na duDavid adumawimbulu na bisigu abivu na mikudu.

²Aa Nsambi, liga matuji ugulu dusambu duami, guyabusa dulembu duami.

³Kulu nakwaguli!

⁴Nyilingingi yiari na yiari na munyongu ami; nyibukingi ava nyigululu diufi dimutu aguipini nesi ava mutu mubi embamiyili; bendasingi maguga; bembingisi na kabu.

⁵Uregama nyireyimi na goma dufu jimakaanga.

⁶Keri na goma bimbamiyi; yomumu yimakaanga.

⁷Nyivosi rie: Aa mbe nyina mapapi nana dibembi mbe nyupurumuga mbe nyudila yivumu.

⁸Mbe nyurina vala nyuyetsana o kumu. Letasatianu

⁹Mbe nyulensa norina mbangu ne uviolila mungudi.

¹⁰Aa Fumu, tsiemusa kanu tsibavinitsi bami nogaba mbembu ogu! Nyilabi bango dikasi nesi bango mitsundu o musiengi.

¹¹Nyangu na mukolu utsiengila betsiengili bivaga; musiengi umabasa de na mabi na ndunsulu;

¹²musiengi umabasa de, na mbivulu na ndunsulu tsibasa de nesi o makasa.

¹³Mbe mutu aguipini emfuengilili mbe nyumuwarila; mbe muvinitsi ami etoyisi mbe nyumusuema.

¹⁴Tumba ndeʼ agu nyimatasa tuvu dedi, ndeʼ aguvu mbatsi ami jimurima, ndeʼ aguvu mutu nami!

¹⁵Tumaletsananga va mosi na dinonga; jetu na yinombu tumalewendanga o Ndagu Nsambi, nyiina, va mosi tumawendanga.

¹⁶Bavinitsi bami basundili uwenda o mbura jiabafu mu mbari mirima miogu mivu mibasa de na mbivulu.

¹⁷Menu nyutatila Nsambi, Fumu okwaka kalala.

¹⁸Tsisiga na kedi na va muangulu nyitsukimi na nyibinlingi, jandi egulu diufi diami,

¹⁹ekwaki kalala, ebambini nami ava abepini bavu bapuela bapuela.

²⁰Nsambi akulu, abasundusi, jandi aguvu kaga kala kala! Letasatianu Ne nana bagevinsi kingu, bagedumi Nsambi.

²¹Amalasa maguga ombu abamaba na duvotsu nandi, amakubula pangini aji amavangana nogu.

²²Posulu tsiandi tsivu minyimu tumba masusu mavu o murima andi posulu tsiandi tsivu nderi matsi amelembuli tumba tsinemisi batu murima.

²³Wakisa maguga magu ombu Fumu; jandi oguwarisa, agosinga yiri agusungama opupusu.

²⁴Aa ndeʼ Nsambi, gusundusa batu beni o mbengi. Bikongu na badunsitsi bagodugusu bilumbu biogu. Tumba menu nyukevega ombu gagu.