Read Punu Nyimbu 66 Bible Online

Nyimbu 66 - Punu bible

Nyimbu 66

¹Duimbu duyivunda yibawimbitsi. Jenu bisi bulongu buotsu yitsanu Nsambi.

²Wimbilanu udumisa diina diandi; muyitsianu uroyisa bundumba buandi.

³Vosanu na Nsambi rie: Ka muna bisalu bi gumasala! Mu diambu dimangolu magu maneni bavinitsi bagu betsiemusi dunangu va gusu agu.

⁴Bisi butamba botsu bagudimi va gusu agu, bawimbili uguyitsa; nyiina, bayitsi diina diagu. Letasatianu

⁵Ruganu uyigengila bisalu biNsambi! Ka muna bimaga bi amalasa batu.

⁶Amakalusa mubu butamba, bamasabuga mujamba na makulu.

⁷Ka muna nsangu ji tuilabi mu dionyi! Erumingi na mangolu mandi mutubu, egengili malongu, mimbini miyakematisa! Letasatianu

⁸Batu botsu gabusilanu Nsambi diboti, muyitsianu na mufi o julu!

⁹Asamagaru yiri tuboku, asamagaru wandi yiri tusietuga.

¹⁰Aa Nsambi, ndeʼ gumatuwetsiga! Gumatupitsa o muji nderi lora jivema,

¹¹gumatusingisa urambulu murambu, gumatunangusa mufuna utsira.

¹²Gumasingisa batu ututsiarila na bakabala; gumatusabusa muji nesi mijamba. Tumba gumavaga motsu mana utubembiga.

¹³Nyuwenda na pagu tsiunynesa O Ndagu agu, udugusu pangini tsiami atsi nyimavagana nagu,

¹⁴nyuguvega atsi nyimavangana ava nyimalabilanga maguga.

¹⁵Nyuguvagulila bibulu bivonga na balumi babindombu, ubega nyibeyi mulumi ngombi na balumi babinsabi. Biunyensu va yinyensulu yipagu, nsumbili jibionyi jiumata ombu gagu. Letasatianu

¹⁶Jenu botsu aduidumi Nsambi, ruganu uyigulu, nyudutsingula adi amapayila:

¹⁷Nyimamutatila na nyimamuyitsanga.

¹⁸Mbe nyimavaga dibi mbe Fumu asamakulu.

¹⁹Tumba Nsambi amakulu, amaba limba ugulu dusambu duami.

²⁰Diboti ombu Nsambi! Asamabusa dusambu duami; asamapatula maboti mandi.