Read Punu Nyimbu 72 Bible Online

Nyimbu 72 - Punu bible

Nyimbu 72

¹Bisonu biSalomon. Aa Nsambi, vega kaga buketi utabula bunsonsi mu diina diagu, gukavega baana bandi bababaala diela didusungugu duagu.

²Atabulilingi batu bagu nesi abamakambulu bunsonsi na dusungugu.

³Mikongu mibabendisili abi bavu na nsala; bikundubuga bibalasi dusungugu.

⁴Kaga alasi dusungugu ombu bimbesi, agobuli baana babijaga notsiarili mukuanitsi.

⁵Dedi mosi nana wisi ugebusi utebuga na tsungi jigebusi ubatsa muetsa, abi kaga te na mutubu.

⁶Kaga abi nderi mfula ajinogulu va butamba bufutsu, abi nderi disala aditsatsi butamba.

⁷Va durumu duandi mutu usungama abi na digumba nesi duvotsu duneni te na tsungi jiutsiemuga.

⁸Arumingi ubandila o mubu umosi te no ususu nesi ubanda o mujamba uEuphrate te no masuka mabulongu.

⁹Bisi kumu bokutama va gusu andi, bavinitsi bandi bovendanga difufundu.

¹⁰Bakaga baTarsis na babanyigi bofutanga dumandu; bakaga baSaba na baSeba boveganga milendu miogu.

¹¹Bakaga botsu bogudamanga va gusu andi, malongu motsu momusalilanga.

¹²Owaka yijaga oyigamuyi kalala nesi agumakambulu agugaa na muwamusi.

¹³Olasa yingeba ombu agudeda na yijaga nobawaka kalala.

¹⁴Obajeyisa mu dikasi diotsu, malongu mogu moba na tsongu ombu gandi.

¹⁵Abi kaga! Bamuveyingi lora jiSaba, basambilingi mu diambu diandi temu tsiotsu; bawivulingi Nsambi umugabilanga miula yilumbu na yilumbu!

¹⁶Bulongu bubasi na digumba dible nesi te no julu tsimikongu, bulongu bubasi na milunda, nyiina, milunda miLiban; misiengi miubasa na batu dedi mosi nana bisinga bibasi bulongu.

¹⁷Diina dikaga diubanganga mutubu dedi mosi nana wisi; diina diandi diurangumunu; na diina diandi bogabasana miula na bisi malongu motsu bomunengilanga Kaga ajivu na maboti!

¹⁸Diboti ombu Fumu Nsambi aguvu Nsambi Israel jandi pinsa evayingi bimaga!

¹⁹Diboti mu diina diandi adivu na bundumba bumutubu! Bulongu buotsu bubasi na bundumba buandi! Amen! Amen!

²⁰Disukusulu ditsambu tsiDavid muana dibaala uJesse.