Read Punu Banongu 16 Bible Online

Banongu 16 - Punu bible

Banongu 16

¹Bisalu bibandi na mutu jaʼ beni, tumba Fumu jaʼ beni ekunsi motsu.

²Bifu biotsu bimutu bivu biboti ombu jaʼ beni tumba Fumu epitsi mirima miotsu.

³Wakisa bisalu biagu ombu Fumu mbana biubueji.

⁴Fumu ana dibandu adi amavayila motsu nesi diyilumbu yimaguga yibatu babi.

⁵Mungo dunangu uotsu avu nsoruru ombu Fumu; dingensa okilusu.

⁶Yingeba na ngensa birombisi mabi utandu; uduma Fumu uirombisi mutu ubusa mabi.

⁷Pa Fumu elabi ubueji na bifu bimutu, enongisi nesi bavinitsi bandi nandi.

⁸Diwelimina uba na mua pesu nobanganga na dusungugu tsiri uba na digumba dindiongulu.

⁹Mutu erombingi amandi tumba Fumu oyiwendisingi taka tsiandi.

¹⁰Kaga evosi na musuga ubunsambi; ava etabulili bunsonsi agaa na yimbambila.

¹¹Bipitsulu na mudodu biwelimina bivu biFumu; bipitsulu biotsu bivu yisalu yiandi.

¹²Divu nsoruru pa bakaga bovaga mabi mu mbari yitsiga yiandi yiwarusu na dusungugu.

¹³Bakaga belabi ubueji na batu abavu na posulu tsibusinganyi nesi abevosi ngensa.

¹⁴Kabu kaga jivu yilumbi yidufu, mungo diela vengu ojivotsa.

¹⁵Yisuisu yikaga yimamunga yivu yilimba yimonyu na maboti mandi mavu nderi mfula jimutubu.

¹⁶Udila diela uiviolili tindi lora. Udila dujabu uiviolili tindi lora jivema.

¹⁷Batu basungama begongi mabi; jandi oyikekelisa ekebini na bifu biandi.

¹⁸Ukematisa uireyili dubungu na dunangu duireyili uberuga.

¹⁹Uviolila ubueji uba yijaga va mosi na bijaga tsiri mungo dunangu va mosi na bango dunangu ugabana abimakindu.

²⁰Jandi oyikeluli mambu elabi ubueji, jandi oyikevega ombu Fumu ana nsangu.

²¹Jandi aguvu na diela ukelula mambu enengulungu mungo dujabu. Posulu tsidurondu tsiroyisi dujabu.

²²Diela di vu nderi yileka yimonyu ombu jandi aguvu na dionyi, mukilu ubiduka uiruyili buduka buogu.

²³Jandi aguvu na diela ukeiula mambu edilasi nesi na posulu tsiandi tsimalubu.

²⁴Posulu tsiboti tsivu nderi buji abuiveyi nsangu na buiwamusi nesi nyuru.

²⁵Vavu mansila mamosi amelabini nderi mawelimina tumba disukusulu dimonyi la dufu.

²⁶Jandi oyisali esali bijaʼ beni; nsala tsiandi tsimurumi.

²⁷Mutu mubi ekekunsila diguga na posulu tsiandi tsivu nderi kangi.

²⁸Mutu mubi erombisi mitsundu, mungo matamba erombisi bambatsi ukakana.

²⁹Mungo dikasi edunsi mutu nandi na emuwendisi mu nsila ajigaa jiboti.

³⁰Jandi oyitsimisi misu etasingi yika tasulu tsikulini, jandi oyigomuni amakevayila dibi.

³¹Bamfi bavu nderi dugaba duduyitsu, bedilunu na batu basungama.

³²Jandi agugesundili unyoga ana mangolu ne uviolila ngogaga; jandi oyikeruma ana mangolu na uviolila jandi oyipatuli musiengi.

³³Batu bebuayi mbanda tumba Fumu oyitabuli mambu motsu.