Read Punu Banongu 19 Bible Online

Banongu 19 - Punu bible

Banongu 19

¹Uviolila ubueji uba yijaga ayivu na businganyi tsiri uba yiduka ayivu na posulu tsimfurulu.

²Digaa diwelimina ugambu na diela, jandi oyiwendi mawewenda esundili uvaga masumu.

³Buduka buibivisi bifu bimutu mbana enyoyili Fumu.

⁴Busina buirombisi puela bambatsi tumba yijaga amabutsiemusa ne mbatsi andi.

⁵Mbeji jimfurulu okilusu nesi jandi oyifuringi otsukugu.

⁶Puela batu bekakisi mugabitsi, mutu uotsu avu mbatsi andi.

⁷Lesa baana bataji botsu bayijaga bemuviningi tambusa na bambatsi bandi! Ava ebalembiyili upansiga bepansiyi.

⁸Oyirondi diela ekeronda; ojivu na malubu edili maboti.

⁹Mbeji jimfurulu okilusu, jandi oyivosi mamfurulu obungana.

¹⁰Disawelimina yiri yiduka yiubanganga na maboti mapuela; disawelimina wandi yiri muviga okaluga murumitsi.

¹¹Aguvu na diela agesundili unyoga, divu tindi ubueji ombu gandi ulibana bisiengu.

¹²Kabu kaga jivu nderi ugumba uyimbungu na maboti mandi mavu nderi disala aditsatsi bivaru.

¹³Muana dibaala aguvu yiduka elasi taji andi maguga, mitsundu mimugatsi mivu nderi dusiendi aduigelini.

¹⁴Ndagu na busina bivu disiala dibataji; yika Fumu oyiveyi mugatsi aguvu na malubu.

¹⁵Utsora uirombisi bilu, mua utsora uirombisi nsala.

¹⁶Jandi oyikelisi adimarumu ekekelisa; jandi agugekebini na bifu biandi ofu.

¹⁷Jandi oyilasi yijaga yingeba, Fumu esombisi; Fumu omusaka dedi na yisalu yiandi.

¹⁸Kilisa muana ava gukivu na temu; guyamurombisa dufu.

¹⁹Jandi agunyoganga kabu jineni okilusu, pa gumuwaka kalala, vengu gumudivaga.

²⁰Gulu malongi nesi nsiembu yiri gubanganga na diela.

²¹Mutu etasingi matasa mapuela tumba duganu duFumu duidugusu.

²²Yisagumunu yimutu yivu maboti mandi, uviolila ubueji uba yijaga tsiri mufuritsi.

²³Uduma Fumu uiveyi monyu na nsangu nesi uwenda yilu na murima usunda.

²⁴Mutsoritsi epoduli dikaka diandi mu yipela na agorungula ukelisila.

²⁵Dimba mudesitsi na yiduka olubuga; siemba mungo dujabu mbana otsiyisa diela.

²⁶Jandi oyidimbi taji andi nobinga nguji andi avu muana dibaala aguilasi yisonyi.

²⁷Muana ami udibaala dunda ugulu dilongi adiugurombisa utsiemusa dujabu.

²⁸Mbeji ajivu kulini edesi dusungugu; batu babi bevosingi yika mabi.

²⁹Mikilu mibadesitsi mivu mikunsama nesi makuba ama biduka bodimbu.