Read Punu Banongu 2 Bible Online

Banongu 2 - Punu bible

Banongu 2

¹Muana ami udibaala kelisa malongi mami guyalibana ama nyigurumi.

²Ba limba uwiji malongi madiela kevega umatsiyisa.

³Nyiina, vonda diela lembiyila dujabu.

⁴Birombi dedi mosi nana guirombili mbongu nesi nana guirombili busina,

⁵vaga nana na gutsiyisa uduma Fumu nojaba Nsambi.

⁶Fumu oyiveyi diela, dujabu na dutsigusu biruyili ombu gandi.

⁷Jandi ewamusi batu basungama, avu nderi ngubu ombu jogu abavu na businganyi.

⁸Ewarisi basungama na ekelisi basigama bandi.

⁹Pa guikululu gugomuebusa dusungugu guvaganga amavu mawelimina.

¹⁰Diela diubasa murima agu na dujabu dugulasanga nsangu;

¹¹malubu moguwamusa na dujabu dugukelisanga,

¹²biugugandisa uvaga mabi biuguwamusanga na batu abefuringi,

¹³nesi jogu abebusi dusungugu uyenawendanga o pisama.

¹⁴Belabi nsangu uvaganga mabi, belabi ubueji na mbivulu tsiogu.

¹⁵Bavu na penda temu tsiotsu, besueyi bifu biogu.

¹⁶Guyafuama posulu tsindunsulu tsimugetu aguvu yipumbi

¹⁷oyibusi mulumi andi oyilibini pangini aji amavangana va gusu Nsambi.

¹⁸Ndagu andi jibuvuyisa jiugurombisa dufu pa gumuduka, gufu.

¹⁹Botsu abewendingi ombu gandi bagegabuyi, uweʼ beweʼ o dufu.

²⁰Duka batu abevayingi maboti, gukulila batu basungama.

²¹Batu basungama abavu na businganyi botsananga mutubumu bulongu;

²²tumba batu babi na bango dikasi bogusulu o bulongu.