Read Punu Mambu Mamungo Diela 10 Bible Online

Mambu Mamungo Diela 10 - Punu bible

Mambu Mamungo Diela 10

¹Nana bansi abamafu bebivisili mbunga muyombu; dedi mosi mua pesu buduka buitsiemusi diela na bundumba.

²Murima umungo diela uvu uwelimina tumba murima uyiduka uvu kulini kulini.

³Ava yiduka avu muna nsila agaa na diela na evosi na mutu uotsu rie: Laba yiduka!

⁴Pa murumitsi ogunyoyila kabu guyakunga va mbura agu mu mbari duvotsu duilibisini mabi.

⁵Nyimalaba dibi vava tsi nderi dimaruyila ombu jandi oyirumi.

⁶Diwendi rie: Yiduka amadila yitsiga yibatu baneni tumba yisina esali bisalu bigeyi

⁷Nyimalaba baviga abamalinganga mu bakabala na baana babakaga bamayenalinganga na makulu nderi baviga.

⁸Jandi oyitimi dubila otsudama muna na jandi oyirakuli yibaga ogaku na nyoga.

⁹Jandi oyikungisi mamanyi otsunguga; jandi oyipasi mikansu ana yidungu wandi.

¹⁰Pa diumbi dimatuna iia pa mutu agaadisiba vengu omanina mangolu; tumba diela dilungi mu mapuela.

¹¹Pa nyoga egaki ne muvanditsi akavaga bingana biandi; muvanditsi eni odila badoli?

¹²Posulu tsimungo diela tsivu na puela maboti; posulu tsiyiduka tsiumurombisa ubungana.

¹³Dibandu diposulu tsiandi divu buduka na disukusulu diposulu tsiandi divu mbivulu na buduka.

¹⁴Yiduka efunisi posulu. Mutu agejabi adiuba. Anyi omutsingula adiuba o gusu?

¹⁵Yisalu yiyiduka yimatsoyisa dunyuru te na agejabi nsila ugabuga o musiengi.

¹⁶Ka muna maguga ma bulongu bulaba abu kaga avu yika mufudu na barumitsi beviosulili utsana va tavula.

¹⁷Ka muna ubueji gu bulongu bulaba abu kaga epalili mu yifumba yibatu baneni na barumitsi bejangingi va temu jiwelimina yika uwarisa mangolu mogu tsiri ukevega o malamu.

¹⁸Mu diambu diutsora muansa upansiga uipansiyi; mu diambu dimiogu mideda ndagu yika udekanga.

¹⁹Baneni belambi feta usangila; malamu meveyi nsangu; badoli beveyi mangolu motsu.

²⁰Guyasienga kaga ne ava guvu o gari ndagu agu na guyasienga yisina ava guvu o yibuku yiagu yindagu ayi guisilimini, tsoli orungula ubega matamba nesi usamuna posulu tsiagu.