Read Punu Mambu Mamungo Diela 12 Bible Online

Mambu Mamungo Diela 12 - Punu bible

Mambu Mamungo Diela 12

¹Tumba rangimina Musunditsi agu ava bufudu buagu ne bilumbu bidiguga bikatola nesi bilima bikatola abi guvosila rie: Ngelabi ubueji na bionyi.

²Mbana guba o tsi pisama nana mu temu wisi ubila fubiri na tsungi na bambuelili bagomuebatsa muetsa na mamungi momuematanga, mfula jinokamuga.

³Gubagunu na mukelisi ndagu aguireyimi nesi dibaala dimangolu adibandimi nesi mugetu aguidundi uroka mu mbari agaa na matsi nesi aguigengili fenetera elabi yika pisama.

⁴Nsanunu agu jiuba nderi yiabutsu ayidibimi nesi yidu ayigemuerokulu nesi tsoli ajigemuevosa nesi nyimbu atsigemuegulunu.

⁵Gulaba goma umata mukongu na gulaba uvura ava guiwendili mu nsila na nanga tsiagu tsiuvema ve na gugomuerungula udumuga nana makokoku na nsala tsiotsu tsiugusuka. Mu mbari mutu yika uwenda ewendi o mbura andi. Balilitsi ulila beyenalila muna nsila.

⁶Murangimini mbe ka nesi mukudu ulora jivema ukanyanguga nesi dimoyi dilora dikabuliga nesi yisanga yimabuliga va yileka nesi kata jiusundila ugusuga va julu muru.

⁷Va temu eni mutu ugabuga egabuyi mu butamba amu amaleba, nesi ugabuga uigabuyi ombu Nsambi.

⁸Mungo diela evosi rie: Divindugulu disatsi, motsu mevioyi yika uvoiga.

⁹Mungo diela amalonsanga batu dujabu; amakelula na amapitsa na amavindiga banongu bapuela.

¹⁰Mungo diela amamanina mangolu udila posulu tsiminyimu atsimasonugu na dusungugu, atsina tsivu posulu tsingensa.

¹¹Posulu tsibango diela tsivu nderi bigumba; bakelisi bamambu meni bavu nderi tsongu atsimagomunu; bionyi bimavegu na Nsambi aguvu mulonsi-nsila.

¹²Muana ami udibaala va julu vana wiji mambu meni; mabuku amamasonu magaa na dutalu na uviosulila uwiji uidetsi dunyuru.

¹³Tuguluanu malongi ma-usita: Dumanu Nsambi na dedilanu maruma mandi.

¹⁴Nsambi otabulila batu botsu bunsonsi nesi bumambu amamasuegu yeri maboti yeri mabi.