Read Punu Mambu Mamungo Diela 3 Bible Online

Mambu Mamungo Diela 3 - Punu bible

Mambu Mamungo Diela 3

¹Vavu temu jiwelimina na mambu motsu. Vavu temu jiwelimina na mambu motsu vava tsi.

²Vavu temu jiwelimina ubura na vavu temu jiwelimina ufu; vavu temu jiwelimina uvara na vavu temu jiwelimina urakula abimavaru;

³vavu temu jiwelimina uboka na vavu temu jiwelimina ubelusa; vavu temu jiwelimina upansa na vavu temu jiwelimina urunga;

⁴vavu temu jiwelimina ulila na vavu temu jiwelimina ureka; vavu temu jiwelimina unyonga na vavu temu jiwelimina uyina;

⁵vavu temu jiwelimina utinda mamanyi na vavu temu jiwelimina ugukiga mamanyi; vavu temu jiwelimina ubumba na vavu temu jiwelimina ubusa ubumba;

⁶vavu temu jiwelimina uromba yima na vavu temu jiwelimina udunda uyiromba; vavu temu jiwelimina usuega yima na vavu temu jiwelimina ubuaga yima;

⁷vavu temu jiwelimina upasa tsanda na vavu temu jiwelimina urariga; vavu temu jiwelimina uba sui na vavu temu jiwelimina uvosanga;

⁸vavu temu jiwelimina uronda na vavu temu jiwelimina uvina; vavu temu jiwelimina utoga divita na vavu temu jiwelimina jiduvotsu.

⁹Yi mutu edili ava eketsoyisila usala bisalu?

¹⁰Nyimalaba bisalu biranga abi Nsambi amavega batu usalanga.

¹¹Nsambi evayi mambu motsu maboti mu temu jiwelimina; diuleba amatuvega ditasa ujaba amoba o gusu agetusingisi utsiyisa ama amavaga ubanda va dibandu te na disukusulu.

¹²Nyimajaba yiri vagaa disusu yika usangila novaganga maboti munsanunu tsietu tsiotsu.

¹³Tumba pa mutu eji na enu na elabingi nsangu na yisalu yiandi yiotsu, ajabi adina divu pegulu jiNsambi.

¹⁴Nyijabi yiri motsu ama Nsambi evayi motsinga mutubu, vagaa diambu ubuesa muna na bagogusulu diambu wandi. Nsambi amavaga nana yiri batu bajabi musuga andi.

¹⁵Amavu mamaba kala, na amoba mamaba kala wandi, Nsambi emuevaga amamavioga kala.

¹⁶Nyimamuelaba vava tsi, yeri o mulebi vo o mbura aji betabulili bunsonsi vavu mabi wandi.

¹⁷Nyimavosa o tsi murima ami rie: Nsambi otabulila mutu usungama na mutu mubi bunsonsi; mu mbari vavu temu jiwelimina na mambu motsu nesi bisalu biotsu.

¹⁸Nyimamuevosa o tsi murima ami rie: Divu nana mu mbari Nsambi erondi uweliga batu nobalasa yiri bageviolili bibulu buneni.

¹⁹Mu mbari disukusulu dibatu na dibibulu divu dedi; nana batu befuili anana bibulu bifuili wandi; yeri batu yeri bibulu bana mivumu na buneni bumutu bugaa na tsongu vava tsi mu mbari motsu magaa na divindugulu.

²⁰Muvumu uotsu uvu na disukusulu dimosi; botsu bamavagu na difufundu na botsu begabuyi o difufundu.

²¹Anyi ejabi yeri muvumu ubatu uimati o julu? Anyi ejabi yeri muvumu ubibulu uisunduyi o tsi butamba?

²²Nyimalaba yiri vagaa disusu adilasi mutu ubueji yika bisalu biandi; adina divu dikabu diandi. Anyi omulasa nsangu o nsima dufu?