Read Punu Mambu Mamungo Diela 4 Bible Online

Mambu Mamungo Diela 4 - Punu bible

Mambu Mamungo Diela 4

¹Mbana nyimagengila purulu tsiotsu vava tsi; abamakambulu ulila belili na vagaa mutu ubabembiga? Bango bukisi bebalasi dikasi ne mutu mosi agebabembiyi!

²Nyimatabula yiri abamafu kala bana tindi nsangu uviolila jogu abakivu monyu.

³Bana tindi nsangu uviolila jogu botsu basusu nesi abasakaburu nesi jandi agusakalaba mambu makulini amevagu vava tsi.

⁴Nyimalaba yiri bisalu biotsu na duvegu duotsu bivu yika ngusu jimutu ombu mutu nandi. Adina wandi digaa na divindugulu na motsu mavu nderi ubinga punga.

⁵Yiduka etsingiyi miogu na ekebunga.

⁶Uviolila ubueji uba na dikaka dibasa noba na yivumu tsiri uba na makaka mabeji amesali nderi ubinga punga.

⁷Nyimalaba disusu adigaa na divindugulu vava tsi.

⁸Vamaba dibaala adimatsananga pinsa asamaba na mutu nandi nesi muana dibaala nesi muana nguji udibaala tumba amasalanga temu tsiotsu ne nana asamatoga unyungila busina. Na asamawivula rie: Anyi nyisalili yiri ngaa na temu uvuma? Adina wandi digaa na divindugulu na digaa diwelimina.

⁹Babeji beviolili umosi mu mbari bedili futa jiwelimina mu yisalu yiogu.

¹⁰Mu mbari pa umosi oberuga ususu osimbula mbatsi andi; ka muna ubiva gu ombu jandi aguvu pinsa ava eberuyili, agaa na agumubeji umusimbula!

¹¹Dedi mosi pa babeji besilimi va mosi boba na yiusila; tumba jandi aguvu pinsa na nyi odilila yiusila?

¹²Pa mutu otumuna mutu nandi, babeji borungula ugagana nandi; mukudu agumavasu na mikudu mirieru ugosundila utabuga.

¹³Je mufudu aguvu yijaga ayivu na dujabu ageviolili yinunu yikaga ayivu yiduka ayigejabi ugulu malongi ubueji?

¹⁴Diurungula uba amapalila o tsugu urumanga, nesi tanguji amaburu yijaga o bulongu abu oruma o gusu.

¹⁵Nyimalaba abavu vava tsi; botsu bamaduka mufudu agu mbe umavinga kaga.

¹⁶Amarumanga yinombu yineni ne nana dukula adumaduka basamalaba ubueji na kaga eni. Adina wandi digaa na divindugulu na divu nderi ubinga punga.

¹⁷Kebana ava guikotili o Ndagu Nsambi. Wenda na ditasa uyegulu tsiri uvagula pagu tsibuduka; mu mbari bagejabi yiri dibi bevayi.