Read Punu Mambu Mamungo Diela 6 Bible Online

Mambu Mamungo Diela 6 - Punu bible

Mambu Mamungo Diela 6

¹Nyimalaba dibi disusu vava tsi adi batu bevayingi temu na temu.

²Vavu mutu agu Nsambi amavega busina na bima na bundumba na agegambu na yima ayi erondi tumba Nsambi agogaru yiri biumulasa ubueji; la muenyi agulaba ubueji na bionyi. Adina wandi digaa na divindugulu na digaa diwelimina.

³Ne pa dibaala obura kama baana notsinga puela bilima ne pa bilima bieni bivu bipuela pa agorungula ulabanga ubueji na biandi na pa agotsigu buranga, menu nyivosi yiri muana agumaburu ufu kala ana nsangu uviolila jandi.

⁴Kulini amaburulu, uwenda ewendi o pisama na mutu agomurangimina, via!

⁵Asamalaba na asamajaba wisi; ana yivumu uviolila dibaala diedidi,

⁶diuleba otsinga tosini beji tsibilima nolabanga ubueji. Botsu bagaa na disukusulu dimosi?

⁷Biotsu abi mutu esali ebisali udugusu nsala tsiandi; ne nana agelabingi ubueji.

⁸Diambu yi dilasi yiri mungo diela eviolili yiduka?

⁹Uviolila ubueji ulaba nsangu na abilabini tsiri uketsiemusa na dunyimgi. Adina wandi digaa na divindugulu yika nderi ubinga punga.

¹⁰Motsu amelabini mamalugu miina kala na nana mutu obila wandi; dijabunu yiri mutu agorungula utumuna paga na jandi oyimuviolili mangolu.

¹¹Pa vavu mambu mapuela vavu mapuela wandi amagaa na mavindugulu: yi mutu odila mu dionyi?

¹²Anyi ejabi adivu diwelimina na mutu mu mutsanu andi mu mua bilima biandi, motsu magaa na divindugulu, uvioga evioyi nana yidumbitsi? Anyi orungula utsingula mutu adiulabana o nsima dufu duandi vava tsi?