Read Punu Mambu Mamungo Diela 9 Bible Online

Mambu Mamungo Diela 9 - Punu bible

Mambu Mamungo Diela 9

¹Nyiina, nyimavega murima ami mu motsu mana na nyimalaba rie: Batu basungama na bango diela na bisalu biogu bavu va dikaka diNsambi; batu bagejabi amavu o gusu yeri durondu yeri divina.

²Motsu melabini dedi mosi ombu botsu: nesi basungama nesi babi nesi baboti nesi balioma nesi abagaa balioma nesi oyivaguli pagu nesi jandi agugevaguli pagu; muvayitsi umaboti egengulu nderi muvayitsi umasumu na aguilevi pesi egengulu nderi jandi aguidumi uleva pesi.

³Adivu dibi dineni vava tsi, disukusulu diusutusu botsu; mirima mibatu botsu mibasa na mbivulu na buduka mu yitsingu yiogu yiotsu; yika ufu befu. Anyi amavengutsu?

⁴Yitsingu yiotsu ayi mutu avu mu dibuli dibatu abakivu monyu vavu ndungulu: ngensa mondi ajivu monyu jiviolili yimbungu ayimafu!

⁵Tumba abavu monyu bejabi yiri bofu; abamafu kala bagejabi diambu, bagomuesaku mu mbari bamalibunu.

⁶Durondu duogu nesi divina diogu nesi ngusu ogu bimabungana kala, jogu bagomuedila dikabu mu motsu amevagu vava tsi, via!

⁷Wenda yeji biguji biagu na nsangu, nonu malamu magu na nsangu wandi; kala kala Nsambi amalaba ubueji na bisalu biagu.

⁸Biduaru biagu bibi bivema temu tsiotsu na guyagambu ugotsa muru matsi.

⁹Laba ubueji na nsangu jimugatsi agu guirondi mu nsanunu agu jiotsu ajivioyi mbangu aji Nsambi amaguvega vava tsi ajigaa na divindugulu; adina divu dikabu diagu mu nsanunu agu mu bisalu abi guisali vava tsi.

¹⁰Biotsu abi guisali bisali na mangolu mu mbari vagaa yisalu nesi ditasa nesi dujabu nesi diela o mbura aji abafu bavu, aguna guiwendi.

¹¹Nyimamuelaba masusu vava tsi. Birela bigedilunu yika na abewendi tindi mbangu na ndungulu jigedilunu yika na bangogaga. Biguji na busina bigedilunu yika na bango diela na digoba digedilunu yika na bango tindi diela. Tumba temu tsimaguga tsilabini ombu botsu.

¹²Mutu agejabi diweru diandi: nana nyama tsimamba tsigaangu na mbusa nesi batsoli bamawakululu mu mirambu dedi mosi temu jibi jiusundila ugaanga batu wandi.

¹³Nyimalaba disusu vava tsi, dionyi la diela adimakaanga.

¹⁴Vamaba musiengi ugeyi agumaba na mua pesu batu; kaga ajimaba na mangolu amagutumuna na amagukanda na amagutsiengisa bivaga bisakama.

¹⁵Amuna mumaba yijaga yidibaala ayimaba na diela ayimawaka musiengi kalala na diela diandi. Ne mutu mosi asamarangimina yijaga yieni.

¹⁶Mbana nyimavosa rie: Diela diviolili mangolu tumba diela diyijaga dimalensu na mambu mandi masamagulunu.

¹⁷Posulu tsimungo diela atsimatsigusu tsiviolili ne posulu tsimurumitsi va gari biduka.

¹⁸Diela diviolili bitogulu bidivita tumba muvayitsi umasumu umosi ebungi maboti mapuela.