Read Punu Duimbu Adutviolili Nyimbu 1 Bible Online

Duimbu Adutviolili Nyimbu 1 - Punu bible

Duimbu Adutviolili Nyimbu 1

¹Duimbu duSalomon aduiviolili nyimbu tsiandi tsisusu.

²Mbumbi, mbumbi! Durondu duagu duilansi uviolila malamu.

³Miyombu miagu mivu na mbunga jiboti. Diina diagu divu nderi muyombu; la dibandu banumba botsu begurondili.

⁴Ndundi! Tuwenda mbangu va mosi! Ndeʼ guvu kaga ami mbeyi o yibuku yiagu, tulaba ubueji, tusangila durondu duagu adilansi uviolila malamu. Banumba bana ndunga ugurondanga.

⁵Nyivu munombi, ka muna kembu ji jivu nami! Nyivu nderi mandagu mamatsanda maKedar nesi tsanda tsipiasu tsiSalomon.

⁶Banumba baJerusalem, duyakipa upinda uami: nyangu jimanyensa. Baana banguji bami bababaala bamanyoyila, bamapaga mukelisi umanungi marayisan. Nyisamadila temu ukekelisa.

⁷Ndeʼ agu nyirondi nsinguli mbura aji guibungulili mugamba agu na mbura aji guibisili va muangulu. Dibandu yi nyuguromba va gari migamba mibambatsi bagu?

⁸Pa gugedijabi ndeʼ guiviolili bagetu bapuela ubueji, duka dibondu dibindombu, lisila binsambi biagu bebeli na babungulitsi babindombu.

⁹Aa, mbatsi ami guna ubueji dedi na bakabala bamakalu maPharaon.

¹⁰Mabanga magu mavu maboti va gari misanga kingu agu jivu jiboti jiduisu misanga miperala.

¹¹Tuguvayila misanga mitindi lora amiubaku na lora jivema.

¹²Ava kaga ami avu o uji feta andi muyombu ami uvandumuga uivandumuyi mbunga jiboti.

¹³Aguami umurima avu aguami nderi diumba dimira adivu va tulu ami

¹⁴nderi bisaga bimbunga jiboti bimanungi maEn-Guedi.

¹⁵Ka muna muboti gu, mbatsi ami guvu muboti! Misu magu mavu tindi durondu

¹⁶Mbatsi ami ndeʼ wagu muboti! Ndeʼ guvu uwelimina urondu! Tangi etu jivu tindi jiboti.

¹⁷Mikambu mindagu etu mivu mitsimbi tsisedera; muansa umavagu na tsimbi tsisipara.