Read Punu Duimbu Adutviolili Nyimbu 2 Bible Online

Duimbu Adutviolili Nyimbu 2 - Punu bible

Duimbu Adutviolili Nyimbu 2

¹Menu nyivu felera jikumu jiSaron na lisa jiyibususu.

²Nyiina, lisa va gari matsiendi aguami udurondu avu va gari banumba nandi.

³Nana mupoma uvu va gari miri misusu anana aguami udurondu avu va gari bafudu basusu. Nyirondi utsana o tsi yivosi yiandi nyigulu mugangu umilunda miandi dueyi.

⁴Amambega o mbura aji beji feta; yilimbu yimasonu rie: Durondu.

⁵Ndisili dipa dirayisan, ndisili poma; ubela nyibeli durondu.

⁶Muru ami ubi va mugonsi ugogu andi umagetu; akobiyi gogu andi umabaala!

⁷Banumba baJerusalem ndevilianu pesi na diina bibatsiesi na bakabi yiri dugotupupisa va temu etu.

⁸Adina la diufi di-aguami udurondu! Labatianu uruga eruyi, udumuga eyenadumuga mikongu na bikundubuga.

⁹Ebagunu na tsiesi nesi mundulu kabi. Labatianu avu o nsima yibaga yietu, ugengila egengili va muluta.

¹⁰Evosi nami rie: Mbatsi ami rambuga, muboti ami ruga!

¹¹Yitsubi yimavioga; mfula jimasuka, jigemuenoga.

¹²Kembu tsimalabana va butamba, temu uwimbila jimatola, diufi didikunda digulunu o musiru.

¹³Mifiga mimabenga mfuga jirayisan jimawansa; mbunga tsangu jivandumuyi. Mbatsi ami rambuga, muboti ami ruga!

¹⁴Aa dikunda diami, guikesuega va gari mamanyi nesi o bisuemunu bimikongu, ndasi yinsi yiagu kulusu diufi diagu, divu diboti yinsi yiagu yivu tindi yiboti.

¹⁵Tugaangilianu bitsalala, bitsalala bibivisi nungi tsimfuga tsirayisan; mu mbari tsimawansa.

¹⁶Aguami udurondu avu aguami; menu nyivu aguandi; ebunguli migamba miandi va gari balisa.

¹⁷Avadupepi dutsisiga duivepili ava bidumbitsi bisakimini, gabuga ombu gami! Nderi tsiesi nesi mundulu kabi aguiyenadumuga o julu tsimikongu amitukakisini.