Read Punu Duimbu Adutviolili Nyimbu 8 Bible Online

Duimbu Adutviolili Nyimbu 8 - Punu bible

Duimbu Adutviolili Nyimbu 8

¹Aa mbe guji muana nguji ami mbe gumanuisu na nguji ami! Mbana nyubenguna nagu o gusu kana nesi ugubumba tsiri ulensu.

²Nesi ugubega o ndagu nguji ami; gukayendasa durondu duagu, nyugunuisa malamu maboti amamagamunu migeranada miami.

³Muru ami ubi va mugonsi ugogu andi umagetu, akobiyi gogu andi umabaala.

⁴Banumba baJerusalem nyidulembiyili, duyapupisa nesi urambusa agu nyirondi te na diweru adi erondi urambuga.

⁵Anyi eruyili o kumu asingama aguandi udurondu? Nyimagurambusa o tsi mupoma; avana nguji agu amagusamina, avana amaguburila.

⁶Nsunsi va tulu agu nderi dibaka nderi dibaka va gogu agu. Durondu duvu na mangolu dedi mosj na dufu. Nsala jivu na mangolu dedi mosi na dufu. Milutsu mijionyi miluli nderi dusiemu dukaki.

⁷Ne mubu ugorungula utsimisa durondu ne mijamba migodudiamisa, via! Ne pa mutu ovega busina buandi buotsu abumagukugu o ndagu andi usumba durondu, ovinu.

⁸Tuna muana nguji umugetu agukivu yitumba-numba yika tsie tumuvayila ava owelugulu?

⁹Mbe avuyibaga mbe turunga ndagu jisakama jilora jivema va julu yionyi; mbe avu diguyi mbe tujidibiga na tsimbi tsisedera.

¹⁰Nyiina, nyivu nderi yibaga, mabenyi mami mavu nderi mandagu masakama. Amandaba aguvu na duvotsu.

¹¹Salomon amaba na nungi o Baal-Hamon, amajiwakisa ombu bakelisi. Mutu mutu amafuta tosini mbongu utsonsiga milunda.

¹²Salomon kelisa tosini mbongu tsiagu; kama beji tsijogu abekelisi manungi! Meʼ beni nyukelisa nungi ami.

¹³Ndeʼ aguitsani o gari nungi bambatsi bami beliyi matuji ugulu adi guvosa. Kokolu tsiagu, yika nami guvosa.

¹⁴Aguami udurondu lensa nogabuga! Bagunu na tsiesi nesi mundulu kabi abiyenadumuga o julu tsimikongu gabuga o mikongu