Read Punu Esaie 15 Bible Online

Esaie 15 - Punu bible

Esaie 15

¹Mbigulu mu diambu diMoab: Mukolu umosi musiengi umapansu, nyiina, Ar-Moab umabungu! Mukolu umosi musiengi umapansu, nyiina, Quir-Moab umabungu!

²Bisi Dibon uwenda bewendi o mbura tsiduyitsu uyelila; bisi Moab ulila belili o Nebo nesi o Medeba. Botsu bamafuga maviolu nesi biedu bimatabulu.

³Mu mansila mamusiengi bamayenaduranga basiela nesi o julu tsimiansa nesi o makasa, botsu bamanyonganga na bamalilanga.

⁴Bisi Hechebon na Elale bamagamuganga migamu, bamagulu mufi mogu te no Yahas. Bagora baMoab bamalila na bamabakama mirima.

⁵Nyimanyonga Moab barinitsi bamaweʼ mambangu te no Soar nesi o Eglat-Selissia; bamamata mukongu uLouhit nolila. Bamagamuga na munyongu mu nsila jiHoronaim, bamalila dubungu.

⁶Bileka biNimrim bimabivusu nesi bisinga bimagumuga nesi birongula bimabungu nesi kembu jibiriri jimakuduga.

⁷La dibandu begukiyili abimasialulu na besuvi bima biogu o disimu dina dimujamba ugeyi ubatobu.

⁸Migamu mimatsiengila mandilu maMoab, mitatu miogu mimagulunu te no Eglaim nesi te no bileka biElim.

⁹Mijamba miDimon yika malungu na malungu. Fumu amavosa rie: Nyutinda maguga magona o Dimon, yimbungu yiugaanga abamarina o Moab nesi bansialutsu babulongu.