Read Punu Esaie 16 Bible Online

Esaie 16 - Punu bible

Esaie 16

¹Tindanu muana yindombu ayiurambuyila o Sela okumu ombu yivunda yibulongu o yitsani o mukongu uSion!

²Nana batsoli berini nesi baana batsoli begusulu va diuva nobuagu o tsi anana banumba baMoab bobila ava bosabuyila Amon.

³Bisi Moab bevosi na Jerusalem rie: Tulonsi, tabula diambu utukubiga o tsi yidumbitsi yiagu vamuangulu nderi tuvu mukolu, suega jogu abebingusu, guyawakisa aguirini ombu oyimubingisi.

⁴Singisa bisi Moab utsana, basuemi ombu gagu, ba yisuemunu yiogu ava mubungitsi ebalasili maguga! Mukuanitsi mbe agomuekuana, dubungu mbe dumasuka mungo dikasi mbe otsiemuga.

⁵Mu diambu dimaboti magu yitsiga yibufumu yiuwarusu; mutegula uDavid otsana na usigama va yionyi; otabula bunsonsi na dusungugu, agotamba nobutabula.

⁶Tuijabi dunangu dubisi Moab, dunangu duogu duvu duneni, bana musabu na posulu tsikulini.

⁷La dibandu bisi Moab bekelila, botsu ulila belili; ulila belili na munyongu mu diambu dibagatu barayisan baQuir-Heres.

⁸Manungi maHechebon mamatsiemuga barumitsi bamalongu bamatsiarila bitayi bimfuga tsiSibma, abimalava te no disimu dimubu.

⁹Ulila nyilili mfuga tsiSibma dedi mosi na bisi Yezer. Utsatsa nyidutsatsi Hechebon na Elale na matsanga mami mu mbari divita diudurasuna va temu jidutsonsungu.

¹⁰Nsangu nobueji bamatsiemuga mu manungi; bagomuewimbila myimbu nesi usangila o manungi marayisan! Bagamitsi basatsi, malamu masatsi o bansienga; migamu minsangu masatsi.

¹¹Ava nyilili Moab diufi diami divu nderi diufi disambi; unyonga nyinyongi Quir-Heres.

¹²Bisi Moab utsoyisa beketsoyisa umata o mbura tsiduyitsu ukota o ndagu nsambi ogu uyemusambila yika kulini.

¹³Atsina tsivu mbigulu tsiFumu atsi amabiga kala mu diambu diMoab.

¹⁴Fumu uvosa evosi rie: Nana bengasisili musalitsi bilima birieru dedi mosi mu bilima birieru bundumba buMoab bulensu na batu bandi botsu na bansialutsu bandi boba pesu na boba badeda.