Read Punu Esaie 8 Bible Online

Esaie 8 - Punu bible

Esaie 8

¹Fumu amatuma rie: Bonga muganda uneni na gukasona muna na buranga rie: Lensanu nokinda, lensanu novula!

²Kabogu nyimalasa muganda eni ombu bambeji babeji bawelimina na Ouria muvagulitsi upagu na Zacharie muana dibaala uYeberekia.

³Mbana nyimafubana tangi na mugatsi ami agumaba mubiyitsi umugetu; jandi amadila dimi na amabura muana dibaala. Fumu amansingula rie: Muluyi Lensanu-nokinda-Lensanu-novula.

⁴Ne muana akajaba uvosa rie: Taji ami! vo Mama ami! Bobega busina buDamas na abimakindu o Samarie ombu kaga jiAssyrie.

⁵Fumu amamuevosa nami rie:

⁶Batu bebaba bamabusa mamba maSiloe amepali keli-keli, belabi nsangu na Ressin na Peca.

⁷Gulu, Fumu obabasila Euphrate nyidu jineni. Diwendi rie: Kaga jiAssyrie na bundumba buandi buotsu; Euphrate ubasa tindi ubasa nyidu te na jiudiamisa tangi andi nesi jiudiamisa migula;

⁸jiukota te no bufumu buJuda na jiupubuga te na mutu obudiama. Nyiina, jiupubuga tindi ubasa ukubiga bulongu buagu buotsu, Aa Emmanuel!

⁹Jenu bisi malongu nyirumi rie: Kunsamanu utoga divita jenu dutsungulu! Jenu bisi malongu amavu yiari na yiari, liganu matuji!

¹⁰Kunsanu mivaangu, mionyi miupansu; veganu maruma, monyi magoba na tsongu mu mbari Emmanuel avu, Nsambi avu netu.

¹¹Fumu amakaanga na amansingula rie: Lubuga, guyaduka bifu bibatu bebaba. Mbana amabuesa rie:

¹²Guyanengila diotsu adi batu bebaba benengili fundu, fundu; guyaduma adi jogu bedumi na guyalaba goma.

¹³Mujabianu: avu Fumu Mabadi oyirumi fundu. La jandi agu guduma la jandi agu gureyimina.

¹⁴Ombu bifumba biotsu bibeji biIsrael obanganga Nsambi, ne Dimanyi adiudukusu batu mabaku adiuberusa wandi; avu mbusa nesi murambu ubisi Jerusalem.

¹⁵Bapuela boduku mabaku; boberuga na botsunguga bowakululu na bobongu.

¹⁶Jenu badukitsi bami, sueganu Mambu maNsambi na namiganu dulasu duandi yilimba.

¹⁷Nyivivi Fumu oyisueyi bategula baJacob yinsi yiandi tumba nyumuvayila yitu.

¹⁸Laba jetu na baana aba Fumu amapega tuvu bilimba na bimaga o Israel biFumu Mabadi oyitsani o julu mukongu uSion.

¹⁹Bamosi bevosi rie: Wendanu ombu jogu abenengili bamfumbi nombu jogu aberesi novosanga mangunguri. Dukawarisa rie: Batu bakipi malongi na buiumbi buFumu. Dibandu yi bowivulila bamfumbi mambu ma-abavu monyu?

²⁰Lasanu batu migaga miNsambi na bumbeji buandi! Tsiri motsu mana amebeyi yijalala?

²¹Boba bilayilayi mu bulongu na bokambulu nofu na nsala; ava bogululu nsala bonyoga nosienga kaga na Nsambi ogu. Bogengilao julu,

²²bogengila yiari na yiari na bolabanga munyongu na pisama, bokelaba o tsi tindi pisama.

²³Tumba abavu o tsi pisama eni bagorungula utsirina Va temu kala Fumu amasundusa bisi Zabulon na bisi Neftali. O gusu, ogobisa dilongu adibambini na mubu dilongu adivu o yiari ayi wisi epalili yiJourdain na yiGalilee yiari yibenyi.