Read Punu Bisalu Bilevi 12 Bible Online

Bisalu Bilevi 12 - Punu bible

Bisalu Bilevi 12

¹Fumu amatsingula Moise rie:

²Tsingula baIsrael rie: Ava mugetu obila na dimi nobura muana dibaala oba muinsi yisambuali yibilumbu; oba muinsi nana va temu jitsungi andi.

³Muana orebu mu yilumbu yimunana.

⁴Omuetsana magumarieru na bilumbu birieru ukeliomisa mu diambu dimalungu mandi; agobemba ne yima yimosi ayivu yingitsi, agowenda o Ndagu Yibenguna te na bilumbu biduliomusu duandi biudugu.

⁵Pa obura muana mugetu oba muinsi te na tsona beji, nana va temu jitsungi andi; omuetsana magumasiamunu na bilumbu bisiamunu ukeliomisa mu diambu dimalungu mandi.

⁶Ava bilumbu biduliomusu biudugulu, nesi dumuana dibaala vo dumuana mugetu, mugetu awendi ombu muvagulitsi upagu o dikotulu diNdagu Yibenguna na muana yindombu agukavu yilima yimosi yipagu jiunyensa na dibembi vo dikunda abi owakisa ombu muvagulitsi upagu agubivagula pagu jiutsindula dibumi.

⁷Muvagulitsi upagu obivagula va gusu Fumu, ovagulila mugetu eni pagu jiutsindula dibumi. Mugetu eni oliomusu busomfi buandi. Aguna la mugaga umugetu aguiburi muana dibaala nesi muana mugetu.

⁸Pa mugetu agorungula udila muana yindombu, orungula ubonga baana bamabembi babeji vo makunda mabeji; dimosi diuvagulu pagu jiunyensa, disusu diuvagulu pagu jiutsindula dibumi. Muvagulitsi upagu omuvagulila pagu jiutsindula dibumi na avu alioma.