Read Punu Bisalu Bilevi 2 Bible Online

Bisalu Bilevi 2 - Punu bible

Bisalu Bilevi 2

¹Ava mutu ovagulila Fumu pagu jitsangu, pagu jiuba jifufu; owitila matsi va julu jionyi, nobuela bima bimbunga jiboti muna.

²Ojibega ombu bavagulitsi bapagu, baana bababaala baAaron; muvagulitsi upagu obonga dikaka dimosi difufu eni ajimatsatsu matsi na bimbunga jiboti na obinyensa va yinyensulu yipagu na biuba nana yirangumunu. Ajina la pagu ajiugulunu mbunga jiboti ombu Fumu.

³Abiusialulu mu pagu eni biuba biAaron na baana bandi bababaala; pagu eni jivu tindi yingitsi, jivu dikabu dimosi dipagu tsiotsu atsiusielusunu o muji va gusu Fumu.

⁴Pa guivaguli pagu jitsangu ajimagoku jiuba mapa mageyi amagaa na dufunusu: ne amamalambu na matsi ne amamatsatsu matsi.

⁵Pa pagu jitsangu jivu dipa digaangu, vengu diulambu na tindi fufu ajimasobunu na matsi, diyaba na dufunusu.

⁶Gudibukula nodiwitila matsi, ajina jivu pagu jitsangu.

⁷Pa pagu jivu abiulambu mu duengu, jibi na tindi fufu na matsi.

⁸Pa pagu ajimalambu jimavagulu pagu ombu Fumu, jiuwakusu ombu muvagulitsi upagu, jandi ojibega o yinyensulu yipagu.

⁹Mbana muvagulitsi upagu ogusula dikabu nana yirangumunu na odinyensa va yinyensulu yipagu. Ajina la pagu ajiugulunu mbunga jiboti ombu Fumu.

¹⁰Abiusialulu bipagu eni biuba biAaron na baana bandi bababaala; pagu eni jivu tindi yingitsi jivu dikabu dimosi dipagu tsiotsu atsiusielusunu o muji va gusu Fumu.

¹¹Vayaba ne pagu jimosi ajiuvagululu Fumu ajiuba na dufunusu; duyanyensa ne pagu jimosi ajiuba na dufunusu vo buji va gusu Fumu.

¹²Durungula uvagulila Fumu pagu tsibiumanga; tumba biyavagulu va yinyensulu yipagu nana pagu ajiugulunu mbunga jiboti ombu Fumu.

¹³Pagu tsiotsu tsiukuku musayi, ne pagu jimosi jiyagambu musayi, uonyi uvu yilimba yipangini aji Nsambi amavangana nagu; pagu tsiotsu tsiukuku musayi.

¹⁴Pa guna nsala uvagulila Fumu biumanga bigolula, biroki na bigoki mbana bivaguli; jivu pagu jiumanga.

¹⁵Guwitila matsi va julu jionyi na gubuesa bimbunga jiboti muna; ajina la pagu jitsangu.

¹⁶Muvagulitsi upagu onyensa dikabu dimosi dibiumangu biroku abiusobunu na matsi na biotsu bimbunga jiboti abiuba nana yirangumunu. Ajina la pagu ajiusielusunu o muji va gusu Fumu.