Read Punu Jeremie 24 Bible Online

Jeremie 24 - Punu bible

Jeremie 24

¹Fumu amandasa ponsi beji tsimifiga atsimasunsu va gusu Ndagu Nsambi ava Nabucodonosor kaga jiBabylone amagaangila bakoli baJerusalem ubabega o Babylone, abamabegu ababa: Yekonia muana dibaala uJoaquim kaga jiJuda na bivunda biJuda na basarpati na bavayitsi bamagongi; botsu bana abamatsana o Jerusalem.

²Ponsi mosi jimaba na mifiga miboti nderi migumuga. Ponsi jisusu jimaba na mifiga mibi amisamarungula uligu; mimabola.

³Fumu amakwivula rie: Jeremie yi guilabi? Nyimawagula rie: Mifiga: miboti amivu tindi miboti; mibi amivu tindi mibi amigorungula uligu.

⁴Mbana Fumu amansingula mambu memama rie:

⁵Menu Fumu Nsambi Israel nyitubuli rie: Nana belabi ubueji ugengila mifiga miboti anana nyulabila ubueji ukelisa bakoli baboti baJuda aba nyimarambusa va mbura ejiji ubapansa o Babylone.

⁶Nyubagengila yisuisu yiboti na nyubagabusa o bulongu buebubu; nyubagukiga ndbawarisa na ngomuebapansa, nyubavaga nderi bivaru abigorubulu.

⁷Nyubavega murima utsiyisa yiri nyivu Fumu; jogu boba batu bami, menu nyuba Nsambi ogu pa bogabuga ombu gami na murima uotsu.

⁸Fumu amavosa rie: Nana mifiga mibi migorungula uligu anana nyuvayila Sedecias kaga jiJuda na basefu bandi na bisi Jerusalem basusu abasamagusuga mu bulongu buebubu, nesi jogu abetsanini o bulongu buEgypte.

⁹Mu mbura tsiotsu atsi nyubapansila, nyubavaga yisanunu na bango maguga ombu botsu; bolasungu yisonyi, bodesungu na bopejungu na bolabu balogu.

¹⁰Nyubatindila divita na dungosu dunsala na yivunga te na botsiemuga mu bulongu abu nyimavega ombu gogu nesi ombu bataji bogu.