Read Punu Jeremie 42 Bible Online

Jeremie 42 - Punu bible

Jeremie 42

¹Bivunda biotsu bibagora na Yohanan muana dibaala uCarea na Azaria muana dibaala uHochaya na batu botsu, ubanda na tindi ngebi te na tindi yivunda, bamawenda

²uyevosa na Jeremie mubiyitsi rie: Kokolu tsiagu singa ndembu tsietu! Tusambilili Fumu Nsambi agu mu diambu dibansialutsu botsu mu mbari tumaleba bapuela na tumasiala yika mua dutalu dugeyi nana ndeʼ beni guilabili.

³Wivula Fumu Nsambi agu utulonsa nsila ajituvioyila na adi vengu tuvaga!

⁴Jeremie mubiyitsi amabatsingula rie: Nyusambila Fumu Nsambi etu nana dutsiwivulila; nyudujabisa motsu ama Fumu owagula na ngodusuega ne dimosi.

⁵Va julu vana bamatsingula Jeremie rie: Fumu aguvu mbeji jingensa na jisigama atukilisi pa tugovaga motsu ama Fumu Nsambi agu oguruma ututsingula!

⁶Ne pa mavu maboti vo mabi tudedila diufi diFumu Nsambi etu ombu gandi tuigusindiyi, yiri tulaba nsangu ava tuidedili diufi diNsambi etu.

⁷Yigumi yibilumbu binovioga Fumu amawagula Jeremie.

⁸Jeremie amanengila Yohanan muana dibaala uCarea na bivunda biotsu bibagora abimaba nandi na batu botsu ubanda na tindi ngebi te na tindi yivunda.

⁹Mbana amabatsingula rie: Dumansindiga ombu Fumu Nsambi Israel; kwagululu andi ajiji rie:

¹⁰Pa dutsana o bulongu buebubu nyuduwarisa na ngomuedupansa nyuduvaga nderi bivaru abigorubulu; nyugabusa murima nsima mu dibi adi mbe nyimatasa uduvayila.

¹¹Duyaduma kaga jiBabylone agu duilabi goma. Fumu amabuesa rie: Duyamuemuduma mu mbari uwaka nyiduwaki kalala ombu gandi.

¹²Nyudulasa yingeba. Diwendi rie: jandi odulasa yingeba na odusingisa ugabuga o bulongu buenu.

¹³Tumba pa dugodedila diufi diFumu Nsambi enu; Jeremie amabuela rie: Tugotsana o bulongu buebubu.

¹⁴Tuwenda o bulongu buEgypte, aguna tugomuelaba mavita na tugomuegulu mimbanda mimalubu; tugomuegambu na biguji aguna tutsaninanga.

¹⁵Kabogu bansialutsu baJuda, guluanu mambu maFumu! Fumu Mabadi aguvu Nsambi Israel jandi rie: Pa duyinguga uwenda o Egypte na pa duyetsana muna

¹⁶divita adi duidumi diududala guna bulongu buEgypte nesi dungosu dunsala adu duidumi dudunama o Egypte na duyefu.

¹⁷Botsu abogeluga uwenda o Egypte noyetsana guna boboku na divita nesi dungosu dunsala nesi yivunga; vagoba bansialutsu aborina mabi ama nyubavayila.

¹⁸Fumu Mabadi aguvu Nsambi Israel jandi rie: Nana kabu ami na fuiri ami bimanyavila ombu bisi Jerusalem anana fuiri ami jiunyavila ombu genu pa duwenda o Egypte. Bosalisa miina menu uwarisa mulogu na dulasu yisonyi na dugomuelaba mbura ejiji via!

¹⁹Bansialutsu baJuda, Fumu edugandisi rie: Duyawenda o Egypte! Jabanu yiri ugandisa nyidugandisi namunyi.

²⁰Jenu beni dumansindiga ombu Fumu Nsambi enu ava dumavosila rie: Tusambilili Fumu Nsambi etu, tujabisi mambu motsu ama Fumu Nsambi etu ovosa na tumadedila.

²¹Nyimadutubulila monyi namunyi; tumba dugegulu diufi diFumu Nsambi enu nesi kwagululu andi.

²²Kabogu tsiyisanu yiri duboku na divita na dungosu dunsala na yivunga o mbura aji duirondi uwenda uyesuema.