Read Punu Mitatu 1 Bible Online

Mitatu 1 - Punu bible

Mitatu 1

¹Ka muna diambu di! Musiengi egugu agumaleba na puela batu, umasiala mududu? Ka muna bukuili bu! Jandi agumaleba muneni va gari malongu agumaba muana mugetu ukaga amakaluga muviga!

²Elilingi mukolu uotsu tulu andi jimabasa de na matsanga; botsu abamalemurondanga ne umosi agemubembiyi; bambatsi bandi botsu bamakaluga bavinitsi bandi.

³Juda avu o bukoli na amakuanu; avu o buviga; etsani va gari malongu na agaa na yivumu; bakuanitsi bandi botsu bamamusutusu ava amalabila munyongu.

⁴Mansila maSion mavu na duvovu mu mbari batu bagemuewenda o bafeta; biabutsu biotsu bivu bipansiga, bavagulitsi bapagu ubima bebimi, batsiemi bavu na munyongu; Sion amabasa de na purulu.

⁵Bakuanitsi bandi ulunga belungi na bavinitsi bandi bavu na duvotsu; Fumu amamusundusa mu diambu dimasumu mandi mapuela mapuela; mukuanitsi amabega baana bandi o bukoli.

⁶Muana mugetu uSion amatsiemusa bundumba buandi buotsu; barumitsi bavu nderi bakabi abagedili bisinga na abagaa na mangolu urina jandi oyibabingisi.

⁷Mu bilumbu bimunyongu andi na bibulayilayi, Jerusalem amarangimina maboti motsu amamalebanganga nandi na kala. Amarangimina wandi ava batu bandi bamagaangulu na bakuanitsi na mutu asamamuwamusa, bavinitsi bandi bamamugengilanga na bamamurekanga mu diambu di-uberaga uandi.

⁸Jerusalem amafunisa masumu mandi la dibandu avu nsoruru; botsu abamamuyitsanga bamamulensa ava bamalabila penyi andi; jaʼ beni utsukama etsukimi avu tsokudu!

⁹Muinsi umaba mu milemba miyilinga yiandi, asamatasanga disukusulu diandi; amaberuga te na batu bamakambulu, ne mutu mosi agemubembiyi. Evosi rie: Aa Fumu, laba purulu tsiami! Mu v in its i amakematisa.

¹⁰Mukuanitsi amasamba dikaka mu biotsu abivu na dufunu duneni; amalaba bisi malongu ukota bekoti o Mbura Nsambi aba gumagandisa o yibenguna yiagu.

¹¹Batu bandi ubima bebimi; uromba berombi biguji; bamasopana bima biogu bidufunu duneni na biguji yiri bagofu na nsala. Amasambila rie; Fumu labati, nana nyivu nsoruru.

¹²Ruganu jenu botsu aduivioyi vava! Letasatianu pa vavu munyongu dedi mosi na agu nyilabingi. Menu agu Fumu amakilisa mu yilumbu yikabu andi jineni.

¹³Ava avu o julu amatinda muji aguisielisini bivisi bi ami; amatambila murambu; amamberusa masangama; amansila pinsa yika uyenabelanga bilumbu biotsu.

¹⁴Amatungila yilala yimabi amavasa mukudu utsira agumatungu mu kingu ami; amansiemusa mangolu. Fumu amakwakisa ombu jogu aba ngorungula ugagana.

¹⁵Fumu amabetsa bangogaga botsu abamabanganga nami; amagukiga bagora utoga nami; ubunga bafudu bami. Fumu amansiarila; menu Sion uJuda nderi mirayisan nyivu o yigamunu.

¹⁶La dibandu nyililili na tulu ami jimabasa de na matsanga mu mbari amakakasana agu mbe gumbembiga, agu mbe gukabusa monyu. Baana bami bamasiala pinsa; muvinitsi amalunga.

¹⁷Sion amasamba miogu ne nana mutu asamamubembiga; Fumu amatinda bavinitsi abamaruyila yiari na yiari uyetoyisa Israel. Jerusalem amakaluga nsoruru va gari ogu.

¹⁸Fumu ana ndunga upayila nana, nyimaba mumbini umaruma mandi, jenu batu botsu guluanu na labanu munyongu ami! Batsiemi bami na bafudu bami bamabegu bakoli.

¹⁹Nyimanengila bambatsi bami; bamandunsa. Bavagulitsi bami bapagu na bivunda biami bamaguda o musiengi ava bamarombiianga biguji udila mangoiu.

²⁰Fumu labati maguga mami! Murima ami uvu o julu na ufutsa uifutsi; nyimaleba mumbini. Va gusu kana dijenga dibokingi baana bami o gari ndagu yika bamfumbi na bamfumbi.

²¹Gulu milingi miami, mutu agaambembiga; bavinitsi bami botsu bamagulu munyongu ami bamasangila mu mbari ndeʼ gumandasa munyongu. Tubula yilumbu ayi jogu bobila nana nyivu.

²²Gengila mbivulu tsiogu tsiotsu na bavayili dedi mosi nana gumapayila mu diambu dimasumu mami motsu! Guilabi utsukama nyitsukimi, murima yika buali.