Read Punu Ezekiel 11 Bible Online

Ezekiel 11 - Punu bible

Ezekiel 11

¹Yinyunyi yiFumu amambatisa na amambega o yiari yidikotulu diyiari ayi wisi epalili yiNdagu Nsambi. Va dikotulu dieni vamaba magumabeji na babaala baranu; va gari ogu nyimalaba Yazania muana dibaala uAzour na Pelatia muana dibaala uBenaya abamaba bivunda.

²Fumu arnansingula rie: Ezekiel, abana bavu batu abetasingi yika mabi na belonsi malongi mabi o musiengi egugu.

³Bevosi rie: Temu jisakatola. Turungisianu mandagu; musiengi egugu uvu nderi mbiji na jetu tuvu nderi banyama.

⁴Kabogu ndeʼ muana mutu gukasalisa diina dibabiyitsi ubaloga.

⁵Mbana Yinyunyi yiFumu amakaanga na amansingula rie: Vosa rie: Fumu jandi rie: Jenu baIsrael dibandu yi duivosili nana? Nyidujabi nesi matasa menu.

⁶Jenu dumafunisa bukongu o musiengi egugu; dumabasa mansila motsu na bamfumbi.

⁷La dibandu Fumu Nsambi evosili rie: Bamfumbi benu aba dumasila layini o musiengi bavu banyama; musiengi la mbiji. Mbe ka jenu nyudubinga.

⁸Duilabi goma ji divita? Nyudutindila divita. Menu aguvu Fumu nyiditubuli.

⁹Nyudubinga o musiengi egugu; nyuduwakisa Ombu benyi; nyududugusulu kaka tsiami.

¹⁰Nyudutabulila bunsonsi o Israel nesi o mandilu mogu; duboku na divita mbana dujaba yiri menu nyivu Fumu.

¹¹Musiengi egugu ugoba mbiji ombu genu na jenu dugoba banyama wandi; nyudutabulila bunsonsi o Israel nesi o mandilu mogu.

¹²Mbana dujaba yiri menu nyivu Fumu agu dusamadedila mamma mami nesi ukipa migaga miami; tumba dumakipa migaga mibisi malongu amavu yiari na yiari.

¹³Ava nyimabiyilanga, Palatia muana dibaala uBenaya amafu. Nyimagudama va tsi na nyimagamuga na diufi o julu rie: Aa Fumu Nsambi, gubunga bansialutsu botsu baIsrael?

¹⁴Mbana Fumu amansingula rie:

¹⁵Ezekiel, abana bavu baIsrael abavu tindi baana bataji bagu, nesi bibum biagu aba bisi Jerusalem bevosili rie: Kakananu na Fumu; bulongu buma-tuvega.

¹⁶La dibandu guvosila rie: Fumu Nsambi jandi rie: Nyimadukakasana o malongu na nyimadupansa o malongu mapuela ne nana nyimaba yisuemunu yienu o malongu ama dumabegu.

¹⁷La dibandu guvosila rie: Fumu Nsambi jandi rie: Nyumuedugukiga va gari batu; nyumuedugunga o malongu ama dumapansiga; nyudugabusa o bulongu buIsrael.

¹⁸Ava dutolila guna dugusula bakosi botsu na nsoruru tsiotsu.

¹⁹Nyuduvega murirna umosi; nyuduvega ditasa digona; nyudugusulila murirna ugala na nyuduvega murirna udeda.

²⁰Mbana dukipa mamma mami nesi ukelisa migaga miami; mbana duba batu bami na menu nyuba Nsambi enu.

²¹Fumu amavosa rie: Mu diambu dijogu abelabi ubueji na bakosi bogu na nsoruru tsiogu nyivosi rie: Mabi mogu mabi va julu tsimiuru miogu.

²²Bibagunu bibiansa bimasalisa mapapi mogu va mosi na makulu madugongula; bundumba buNsambi Israel bumaba o julu va julu ogu.

²³Bundumba buFumu bumarambuyila va gari musiengi na bumayesikama va julu mukongu aguvu o yiari ayi wisi epalili yiJerusalem.

²⁴Yinyunyi yiNsambi amambatisa na amambega o Babylone ombu bakoli muna yiriariamu; yiriariamu ayi nyimalaba yimasundila utsiemuga.

²⁵Nyimatsingula bakoli mambu motsu ama Fumu amandasa.