Read Punu Ezekiel 17 Bible Online

Ezekiel 17 - Punu bible

Ezekiel 17

¹Fumu amansingula rie:

²Muana mutu, sava dusavu; buayila baIsrael nongu!

³Gukavosa rie: Fumu Nsambi jandi rie: Mbira jineni ajimaba na mapapi maneni na tsala tsisakama na tsibinyuru biotsu jimapurumuga o Liban uyedokula tsaganyi tsisedera.

⁴Mbana jimatsibega o bulongu bumuteti na jimatsisunsa o musiengi ubatiyitsi bamuteti.

⁵Jimabonga yivaru yibulongu buIsrael na jimayivara va butamba bunyega; jimayisunsa va mugula mujamba uneni nderi tobu.

⁶Yivaru yieni yimanega na yimakaluga mfuga ajimawala; bitayi bimfuga eni bimadekama o yiari yimbira na ngansi tsimaba o tsi. Jimaba mfuga ajimapalisanga birongula.

⁷Vamalabana mbira jisusu jineni na mapapi masakama na tsala tsipuela tsipuela. Mbana mfuga eni jimasundila ulavisa ngansi o yiari yimbira na jimadekiga bitayi biandi o yiari yiandi. Jimaviva utsatsu o yiari yiandi.

⁸Dingensa jimavaru va butamba buboti va mugula mujamba uneni na jimaneyisa bitayi na jimabura milunda; jimaba mfuga jiboti.

⁹Gulu yivu ayi menu Fumu Nsambi nyiwivuli rie: Mfuga jiubanguga? Mbira jitega jigorubula ngansi tsijionyi nesi ugolula milunda mijionyi yiri jiugumuga te na ngansi? Mbira jigolaba diambu divura ujirubula.

¹⁰Jimavaru tumba jigobanguga. Pa punga jiyiari ayi wisi epalili jiujibemba jigogumuga? Jiugumuga vana mbura aji jimabendila.

¹¹Fumu amansingula rie:

¹²Wivula mukuta umimbini rie: Dugejabi divindugulu dinongu ejiji? Vosa rie: Guluanu kaga ji-Babylone amawenda o Jerusalem amagaanga kaga na barumitsi na amayenababega o Babylone.

¹³Amasola mutu mu mukuta ukaga na amavangana pangini nandi na amamulevila pesi mbana amayenabega baneni botsu

¹⁴yiri bufumu busundusu na bugokematisa nokelisa pangini andi.

¹⁵Tumba kaga jigona amamulasa bumbini buandi ava amatindila bilumbi biandi o Egypte uvonda bakabala na bagora bapuela bapuela. Jandi agumavaga mambu mamunongu eni olunga? Tsatsabi, agorungula ubunsa pangini norina mukilu!

¹⁶Menu Fumu Nsambi nyimagana kaka rie: Kaga eni ofuila o bulongu bukaga ajimamuvega durumu. Asamakipa pesi andi na amakubula pangini andi. Ofuila o Babylone.

¹⁷Ne Pharaon na bagora bandi bapuela bagorungula uyemuwamusa o divita ava bisi Babylone bomatisila bikadi noramba mirambu uyeboka batu bapuela bapuela.

¹⁸Amalensa pesi na amakubula pangini; amavaga motsu mana diuleba amalevangana. Kabogu agotamba nokilusu.

¹⁹La dibandu menu Fumu Nsambi nyivosili rie: Kaga jiIsrael amalensa pesi ajimalevu na diina diami na amakubula pangini ami. Kabogu jandi onangula mbela jimabi mandi.

²⁰Nyumubuayila mbusa ami na owakululu mu murambu ami; nyumubega o Babylone, avana nyumuwivulila undendulila mbivulu tsiandi atsimatombisa kueru nandi.

²¹Bagora botsu boboku o divita na abosiala bopansu o biari biotsu bibina. Mbana dujaba yiri menu Fumu nyimavosa nenu.

²²Fumu Nsambi evosi rie: Meʼ beni nyubonga tsaganyi tsisedera tsineni o makodu mabitayi bi-uonyi na nyutsivara va julu mukongu usakama.

²³Nyutsivara o julu mukongu usakama uIsrael; tsiubendisa bitayi na tsiuburanga milunda; tsiukaluga musedera uboti. Batsoli bamunongu na munongu bobetamanga muna norunganga muva wandi.

²⁴Mbana miri miotsu mimusiru miujaba yiri menu nyivu Fumu. Nyigufisi agusakama na nyisakiyi agugufi. Nyigumusi aguvu na magaji na nyibendisi magaji mu agugumuga. Menu Fumu oyidivosi na nyuvaga adi nyivosi.