Read Punu Ezekiel 19 Bible Online

Ezekiel 19 - Punu bible

Ezekiel 19

¹Fumu amatuma rie: Wimbila duiambu duedudu utatila baana babakaga baIsrael:

²Yi yivu na nguji agu? Amaba asilama va gari bimbungu nesi va gari baana babimbungu; amabangusa abandi.

³Amabangusa muana andi umosi agumakaluga mumfumfu yimbungu, yimawiji uvopula ayi yiuji; yimavopula babaala.

⁴Bisi malongu bamagulu misamu miyionyi na yimatsudama o dubila duogu. Bamayivakiga mulunga mu miunu mimbasu na bamayenayibega o bulongu buEgypte.

⁵Ava yimbungu yimalabila yiri kulini yivivi, yimabonga muana andi ususu; yimaguvaga mumfumfu yimbungu.

⁶Yimayenalinganga va gari bimbungu yimaba mumfumfu yimbungu; yimawiji uvopula ayi yiuji; yimavopula babaala.

⁷Yimapansa mbura tsiogu tsikandu; yimabunga misiengi miogu; bisi bulongu na biotsu abimaba muna bamakambulu puela ugulu ugumba uyimbungu yieni.

⁸Bisi malongu abamaba yiari na yiari bamakunsama uyitoyisa, bamayirambila mirambu na yimatsudama o dubila duogu.

⁹Bamayivakiga mulunga mu miunu mimbasu na bamayikotisa o ndagu yibulu na bamayibega ombu kaga jiBabylone. Mbana bamayikotisa o tsugu yiri bagomuegulu ugumba uyionyi o mikongu miIsrael.

¹⁰Nguji agu amaba dedi nagu amabagunu na mfuga ajimavaru va mugula umujamba. Jimaburanga na jimaba na bitayi bipuela mu mbari jimavaru va mugula umamba.

¹¹Jimaba na bitayi biguma biwelimina na miansu mibakaga; jimasakama tindi usakama ne uviolila bitayi bimiri miotsu; usakama ujionyi usamasuemanga nesi va gari bitayi bipuela bipuela.

¹²Tumba jimarubulu na kabu na jimabuagu va tsi; punga jiyiari ayi wisi epalili jimagumusa milunda mijionyi; b itayi bijionyi biguma bimakesuga na bimagumuga; muji umabisielasana.

¹³Mbana jimamuevaru o kumu o mbura ajigaa na mamba ajivu dukanga.

¹⁴Muji umapalila bitayi bimfuga eni na umanyensa milunda mijionyi; jisaa na bitayi biguma abiuba muansu ukaga. Duimbu duedudu duwimbulungu; aduna du-vu mitatu.