Read Punu Ezekiel 23 Bible Online

Ezekiel 23 - Punu bible

Ezekiel 23

²Ezekiel, vamaba baana babagetu babeji, jogu bo tsu nguji mosi.

³Bamayevaga bumbembu o Egypte. Bamavaga bumbembu va bungebi buogu; avana bamabandila usanusu nesi ulensu.

⁴Yivunda diina diandi Ohola; ngebi andi, diina diandi Oholiba; jogu abamaba abami na bamabura baana bababaala na babagetu; Ohola uvu Samarie na Oholiba uvu Jerusalem.

⁵Ohola amaba kulini; amaba nsunsaba udila maronda mandi, bisi Assyrie bamaba maronda mandi.

⁶Bivunda bibulongu na mapita bamaba bafudu bandi baboti abamaduara biduaru bidumbulu, bamaba babeyitsi babakabala abamalabana na bakabala bogu.

⁷Ohola amavaga bumbembu nogu, diwendi rie: na botsu abamaba tindi baboti; amaba nsunsaba ubadila na amakebivisa na bakosi bogu botsu.

⁸Amavaganga bumbembu nana amavayilanga o Egypte ubanda va bungebi buandi, bamafubana yitsiga nandi na bamayenamulenganga; bamafunisa bumbembu buogu nandi.

⁹La dibandu nyimamuwakisila ombu maronda mandi, bisi Assyrie aba amabila nsunsaba.

¹⁰Bamalaba penyi andi bamamuboka na bamabonga baana bandi bababaala na babagetu. Mukilu andi umaba dilubu ombu bagetu nandi.

¹¹Yibusi yiandi Oholiba anolaba motsu mana amaba nsunsaba na bumbembu buandi uviolila muana nguji andi; bumbembu buandi bumaviolila bumuana nguji andi.

¹²Bivunda bibulongu buAssyrie na mapita bamaba bafudu bandi baboti abamaduaraburanga, bamaba babeyitsi babakabala abamalabana na bakabala bogu.

¹³Nyimalaba yiri amabivusu; jogu botsu babeji bamasala yisalu yimosi.

¹⁴Oholiba amavaga buvuyisa uviolila muana nguji andi. Yilumbu yimosi amalabilila bigolini bibabaala; bimaba bagora baBabylone abimasonu na ndimba jibenga.

¹⁵Bamaba na babeleeti mu malungu, bamaduara biviovi abimaba na puela binyuru, botsu bamalabana nderi mapita, amamaba bisi Baby lone.

¹⁶Oholiba amasundila uba nsunsaba ombu gogu ava amabalabila na amabatindila bilumbi o bulongu buogu.

¹⁷Bafudu baBabylone bamaruga ombu gandi uyefubana yitsiga nandi. Bamamubivisa na buvuyisa buogu. Anokebivisa nogu, amabatogulu.

¹⁸Amavaga bumbembu buandi va yijalala, asamasueganga penyi andi; mbana nyimamutogulu dedi mosi na muana nguji andi.

¹⁹Amafunisa bumbembu buandi ne uviolila ava amabila numba o Egypte.

²⁰Amaba nsunsaba udukanga babaala abamaba nderi bibulu.

²¹Ndeʼ Oholiba gumarangimina mabi mabungebi buagu ava bisi Egypte bamayenagulenganga.

²²La dibandu menu Fumu Nsambi nyigutsinguli rie: Nyugusibisili maronda magu ama gumabusa na murima agu uotsu, nyubabeyila yiari na yiari ugulasa maguga.

²³Nyugukiga bafudu baBabylone na bisi Chaldee botsu na bisi Pecod na Choa na Coa va mosi na bisi Assyrie. Nyubasobana va mosi na bafudu baboti na bivunda bibulongu na mapita na basefu basusu ne abewendingi na bakabala.

²⁴Boruyila o banda ugulasa maguga na bitogulu na makalu mamadilu madugongula na batu bapuela bapuela; jogu boba na ngubu tsineni nesi tsigeyi na bisiemba, jogu ukueka bekueki o biari biotsu ugutoyisa. Nyuwakisa diambu diagu ombu gogu na bo-gutabulila bunsonsi nana divu diwelimina na migaga miogu.

²⁵Nyimaguwitila kabu ami, bogulasa dikasi. Bogutabula mbasu na matuji na bansialutsu bagu boboku na dijenga; bobonga baana bagu bababaala na bababagetu, abiagu abiusialulu biusielusunu na muji.

²⁶Jogu boguvula biduaru na bogupatula kembu atsi guiduari.

²⁷Nyusukisa buvuyisa buagu nesi bumbembu abumabanda nagu o Egypte. Gugomueba na nsala ogu na gugomuerangimina Egypte.

²⁸Menu aguvu Fumu Nsambi nyivosi rie: Nyuguwakisa ombu jogu abeguvini nesi ombu jogu aba gumabusa na murima agu uotsu.

²⁹Jogu bogulasa divina na bogusila tindi penyi; yisonyi yibujaku buagu yiulabana nesi yibuvuyisa buagu nesi yibumbembu buagu;

³⁰motsu molabana ombu gagu mu mbari gumakebivisa o malongu na gumakevaga nsoruru na bakosi bogu.

³¹Ndeʼ gumaduka bifu bimuana nguji agu la dibandu nyugu-wakisila dimoyi dikabu ami.

³²Menu aguvu Fumu Nsambi nyivosi rie: Ndeʼ gunu dimoyi didonga na dineni dimuana nguji agu; diugurombisa urekungu nodesungu mu mbari divu dibasa de.

³³Guba na tindi dilangi na gugulu buali; divu dimoyi dimunyongu na dubungu, dimoyi adi muana nguji agu Samarie amanu kala.

³⁴Ndeʼ gudinu, gudimana, gudibula minu magu gukenemisa tulu na bitengi bidionyi. Menu Fumu Nsambi oyidiwarisi!

³⁵La dibandu nyivosili rie: Mu mbari gumandibana na gumandiyila nsima kabogu gunangula mbela jibuvuyisa buagu na jibumbembu buagu.

³⁶Fumu amakwivula rie: Ezekiel, gutabulila Ohola na Oholiba bunsonsi? Batubu-lili nsoruru tsiogu.

³⁷Bamakevega uvaganga bumbembu na makaka mogu mavu yika malungu na malungu. Bamavaga bumbembu na bamayitsa bakosi bogu; baana aba bamaburila bamavagulu pagu.

³⁸Guluanu disusu adi bamapayila adidi: muna yilumbu yieni bamabivisa Mbura ami na bamasumuna yilumbu yiami yiuvuma.

³⁹Muna yilumbu yieni bamavagulila bakosi bogu baana bogu mbana bamawenda o Mbura ami uyejilensa. Motsu mana bamavaga o Ndagu ami.

⁴⁰Bamaromba babaala abamaruyila vala, bamabatindila bilumbi, laba bamaruga. Mu diambu diogu ba-mabuila, bamasona binsi biogu na bamaduara kembu tsiagu.

⁴¹Bamaketsanisa va bitsiga biboti; bamasunsa tavula va gusu ogu aji bamabamadilila ombu garni.

⁴²Migamu minsangu mibatu bapuela bapuela mimagulunu va mbura eni; bamaba baSaba abamaruyila o kumu. Bamaduisa baana banguji babeji milunga mu miogu na kaba tsiboti va miuru miogu.

⁴³Mbana nyimakewivula rie: Ne jandi agumanuna oyenavaganga bumbembu?

⁴⁴Babaala bamawendanga ombu gandi nana bewendili ombu bimbembu! Anana bamawendilanga ombu Ohola na Oholiba uyevaganga buvuyisa buogu!

⁴⁵Tumba babaala basungama bobatabulila bunsonsi dedi mosi nana betabulili bumbe mbu bubagetu nesi nana betabulili yikongu bunsonsi; mu mbari bavu bikongu na makaka mogu mavu yika malungu na malungu.

⁴⁶Menu aguvu Fumu Nsambi nyivosi rie: Nyutinda batu bapuela bapuela ubatoyisa na nyubalasa goma na bokindu.

⁴⁷Batu beni bapuela bapuela bobatindila mamanyi na bobabokisa na dijenga; bobokisa baana bogu baba-baala na babagetu na bonyensa mandagu mogu.

⁴⁸Anana nyutsiemusila mabi mu bulongu; bagetu botsu bolubuga na bagomuevaga buvuyisa abu baana banguji babeji bamavaga.

⁴⁹Bonangula mbela jimabi nesi jibakosi bogu. Mbana dujaba yiri menu nyivu Fumu.