Read Punu Ezekiel 3 Bible Online

Ezekiel 3 - Punu bible

Ezekiel 3

¹Amansingula rie: Muana mutu, ji ayi guilabi; ji dibuku diedidi na wenda uyevosa na baIsrael!

²Nyimadibula munu na amandisa dibuku.

³Amansingula rie: Muana mutu, ji nobasa moji agu na dibuku adi nyigulisili! Nyimadiji na dimaba dueyi o munu ami nderi buji.

⁴Amansingula rie: Ezekiel, wenda ombu baIsrael nobatsingula mambu mami.

⁵Ngegusindiyi ombu batu abevosi mbembu ajigegulunu nesi ombu abevosi mbembu jiranga tumba ombu baIsrael.

⁶Ngegusindiyi ombu batu bapuela abevosi mbembu ajigegulunu nesi ombu abevosi mbembu jiranga aba gugegulu posulu tsiogu. Mbe nyimagusindiga ombu gogu mbe bogugulu.

⁷Tumba baIsrael bagogugulu mu mbari bagerondi ukululu; baIsrael botsu bavu na kanda na mirima migala.

⁸Gulu, nyuguwarisa tindi uguwarisa yiri gurungula ugagana nogu.

⁹Nana diama divu digala uviolila dugunga anana nyuguwarisila. Guyabaduma diuleba bavu mukuta umimbini.

¹⁰Amabuela rie: Ezekiel, suega mambu mami ama nyivosi nagu o murima; guyamalibana.

¹¹Wenda ombu bakoli abavu batu bagu; gukavosanogu rie: Guluanu ama Fumu aguvu Fumu Nsambi amavosa.

¹²Yinyunyi amambatisa na nyimagulu kumfu jineni o nsima ami rie: Ka muna bundumba bu buvu na Fumu o mbura andi!

¹³Nyimagulu nduku jimapapi mabima abimaba na bibagunu bibatu amamagubasananga na nduku jimakulu amamabambasana na bionyi. Nduku jimagulunu nderi mungudi ugumba uigumbi.

¹⁴Yinyunyi amambatisa na amayenambega. Nyimaba na munyongu na murima utsira tumba mangolu maFumu mamaba nami.

¹⁵Nyimatola o Tel-Abib ombu bakoli abamatsananga va mugula mujamba uKebar. Nyimatsana vana yisambuali yibilumbu, ka muna usutu gu!

¹⁶Yisambuali yibilumbu binovioga Fumu amansingula rie:

¹⁷Muana mutu nyiguvayi watsi jibaIsrael; gukagulu mambu mami nobandubusila.

¹⁸Ava nyutsingulila mutu mubi rie: Gufu: pa gugomulubusa vo pa gugovosa nandi yiri mutu eni mubi okalula diela na bifu biandi bibi pa gugomuwaka kalala; mutu eni mubi ofu mu mabi mandi na malungu mandi moba va julu muru agu.

¹⁹Tumba pa gumalubusa mutu mubi diuleba agokalula diela na mbivulu tsiandi na bifu biandi bibi; jandi aguna ofu mu mabi mandi tumba ndeʼ gukewaka kalala.

²⁰Pa mutu usungama opembuga nsila novaga amagaa mawelimina diwendi rie: pa nyumurambila murambu na pa gugomulubusa na ofu mu masumu mandi; dusungugu duandi dugomuerangumunu na malungu mandi moba va julu muru agu.

²¹Tumba pa gumalubusa mutu eni usungama yiri ayavaga masumu na agemavayi kabogu amawaku kalala mu mbari amasinga ulubusu na ndeʼ gukewaka kalala wandi.

²²Avana wandi mangolu maFumu mamamuekaanga na amansingula rie: Retsama, wenda o yibususu avana nyuvosila nagu.

²³Nyimaretsama na nyimawenda o yibususu; sundila bundumba buFumu bumalabana guna dedi mosi nana nyimalebulabila va mugula mujamba uKebar. Kabogu nyimagudama va tsi.

²⁴Yinyunyi yiNsambi amambasa na amatetsiga. Mbana Fumu amavosa nami na amatuma rie: Wenda yekedibiga o ndagu agu.

²⁵Ndeʼ Ezekiel, bogutunga mikudu na gugomuepala.

²⁶Nyunamiga dulimi duagu na yilansi; guba dibaba, gugorungula ubasiemba; bavu mukuta umimbini.

²⁷Tumba ava nyuvosila nagu nyupasula munu agu yiri gubatsingula rie: Guluanu ama Fumu aguvu Fumu Nsambi amavosa. Aguronda ugulu agulu; agugerondi ugulu ayagulu; bavu mukuta umimbini.