Read Punu Ezekiel 35 Bible Online

Ezekiel 35 - Punu bible

Ezekiel 35

¹Fumu amansingularie:

²Ndeʼ muana mutu, gengila o yiari yimikongu miEdom na biyili bisi Edom!

³Gukabatsingula rie: Menu aguvu Fumu Nsambi nyivosi rie: Edom nyina kueru nagu! Nyugusamba dikaka diami na nyuguvaga mududu na mbura ajigaa na mamba.

⁴Nyupansa misiengi miagu; ndeʼ gusiala mududu mbana gujaba yiri menu nyivu Fumu.

⁵Gumabanganga na tindi divina dibaIsrael. Mu temu maguga mogu nesi mukilu ogu gumabasingisa ubokusu o divita.

⁶La dibandu menu aguvu Fumu Nsambi monyu nyugukunsila muji na malungu mu diambu dimalungu ama gumawitila; moba va julu muru agu. Gusamatsikadana uboka kabogu ndeʼ wagu guboku.

⁷Edom, nyukalusa bulongu buagu mududu nesi mbura ajigaa na mamba na nyubokisa batu abeweliyi urina nesi aberondi ugabuga.

⁸Nyubasa mikongu miagu bamfumbi na bamfumbi nesi bikundubuga nesi o bibususu nesi mitsumba miotsu. Amuna jogu abodimbu na dijenga boyenaberuyilanga.

⁹Nyugukalusa mududu mutubu; misiengi miagu migomuetsanunungu pibana dujaba yiri menu nyivu Fumu.

¹⁰Gumavosa rie: Nyupatula malongu mabeji: Israel na Juda, malongu amu Fumu etsani-ni.

¹¹La dibandu menu aguvu Fumu Nsambi menu aguvu Nsambi monyu nyivosi rie: Nyugulasa dikasi na diwavi na divina abi gumalasa baIsrael. Nyubajabisa menu oyibakilisi.

¹²Gujaba yiri menu aguvu Fumu Nsambi nyimagulu bisiengu biotsu abi gumasienga mikongu miIsrael ava gumavosila rie: Mimabungu, mimatuvega upansa.

¹³Dumakematisa na posulu tsikulini mu diambu diami; dumafunisa mapopopu mu diambu diami; nyimagulu.

¹⁴Menu aguvu Fumu Nsambi nyivosi rie: Ava bisi bulongu buotsu bolabila nsangu, ndeʼ gusiala mududu.

¹⁵Mu mbari gumasangila dubungu dubaIsrael abavu batu bami kabogu nyuguvayila dedi mosi; mikongu miagu na bulongu buagu biubungu. Mbana batu botsu bojaba yiri menu nyivu Fumu.