Read Punu Ezekiel 45 Bible Online

Ezekiel 45 - Punu bible

Ezekiel 45

¹Ava dubuayila mbanda ugabana bulongu abuvu disiala dienu dukalegusula dikabu diFumu adiuba usakama uyigumi na kilumetera beji na yibuku na uroga uyigumi yikilumetera; buotsu buba yingitsi.

²Muna dikabu dieni dukabonga kama beji na magumaranu mametera maMbura Nsambi; usakama na uroga biuba dedi na magumabeji na metera yiranu tsimbura ajigaa na yisalu utsiengila mbura eni.

³Muna mbura eni gukasila mbura ajivu usakama uyigumi na kilumetera beji na yibuku na uroga ukilumetera yiranu; gukawetsiga mbura ajiurungulu Mbura Nsambi nesi Mbura Ajivu Tindi Yingitsi.

⁴Ayina yiuba yiasi yibulongu ayiuba yingitsi: yiuba yibavagulitsi bapagu abesali yisalu o Mbura Nsambi, jogu abebambini na Fumu umusalila; amuna mandagu mogu morungulu, jiuba mbura jiyingitsi urungila Mbura Nsambi.

⁵Yiari yisusu yiuba usakama uyigumi na kilumetera beji na yibuku na uroga ukilumetera yiranu yiuba yiasi yibulongu yibisi Levi; bavu basalitsi baNdagu Nsambi. Bodila misiengi ami botsaninanga.

⁶Dikabu dimusiengi: usakama udionyi uba yigumi na kilumetera beji na yibuku na uroga udionyi uba kilumetera beji na yibuku; adina diuba dibaIsrael botsu.

⁷Mu dikabu dimuana kaga dukagusula puasasa o biari biotsu bibeji biMbura Nsambi ajimagusulu nesi o yiari yimusiengi; ubandila o kodu mosi jiMbura Nsambi te no yiari ayi wisi epalili ayiuba usakama dedi na dikabu ubandila o yiari ayi wisi ewendisini te no yiari ayi wisi epalili.

⁸Ajina jiuba mbura jibaana babakaga. Baana bami bakaga bagomuekambisa batu bami tumba bosilila baIsrael bulongu; yifumba yifumba dikabu diandi.

⁹Fumu aguvu Fumu Nsambi evosi rie: Baana bakaga baIsrael vana dedi! Dundanu dikasi na makuana; kipanu dusungugu duotsu na duyamuepatula batu bami mbura tsiogu. Menu aguvu Fumu Nsambi oyidirumi.

¹⁰Banu na midodu miwelimina na bietsu biwelimina,

¹¹Bietsu biotsu bibeji biuba dedi: efa yiuba yietsu yitsangu; bat yiuba yietsu yimamba; biotsu bibeji biuba yietsu yimosi diwendi rie: homer ayivu yimosi mu yigumi; ayina yiuba tindi yietsu.

¹²Mbongu atsinengulungu side tsiuba magumabeji mabongu atsinengulungu gueras na magumasiamunu mambongu tsieni tsiuba mina.

¹³Guluanu pagu atsi dugusula atsitsi: yimosi mu magumasiamunu bidutsonsugu duble na orsa,

¹⁴na yimosi mu kama bidigumba dienu dimatsi; yietsu yimatsi yiuba bat ayivu yimosi mu digumi yihomer ayivu yimosi mu digumi yikor.

¹⁵Yindombu yimosi nesi yinsabi yimosi mu mugamba ukama beji mu migamba mibaIsrael yiugusulu uvagula pagu: pagu tsiunyensa nesi pagu tsikabusulu tsimaboti nesi pagu jiutsindula dibumi. Menu aguvu Fumu Nsambi oyidirumi.

¹⁶Bisi bulongu buotsu bogusulila muana kaga uIsrael pagu eni.

¹⁷Muana kaga oba na yisalu uvagula pagu tsiunyensa na pagu na pagu tsiunu mu temu bafeta nesi tsibisusungi nesi tsibilumbu biuvuma nesi bilumbu bineni bibaIsrael; ovagula pagu jiduliomusu na pagu na pagu tsiunyensa na pagu tsikabusulu tsimaboti utsindulila baIsrael dibumi.

¹⁸Fumu aguvu Fumu Nsambi evosi rie: Yilumbu yitega yitsungi jitega gukavagula muana ngombi agugaa na yifu pagu; gukavayila duliomusu duMbura Nsambi.

¹⁹Muvagulitsi upagu obonga malungu mayibulu yiduliomusu omasinga mu makutu maNdagu Nsambi na mu bitungu biotsu bibina na mu julu mungongu uyinyensulu yipagu na mu makutu madulombili dugari.

²⁰Bovaga munongu mosi mu yilumbu yimusambuali yitsungi mu diambu dijogu abesumuni tsiri ujaba nesi abetsimbu; anana boliomisila Ndagu Nsambi.

²¹Mu yilumbu yiyigumi na bina bitsungi jitega duji feta Paque; feta jiuligu mu yisambuali yibilumbu; bojanganga mapa amagaa na dufunusu.

²²Muna yilumbu yieni muana kaga ovagula mulumi ngombi pagu jiutsindula dibumi dijaʼ beni na dibisi bulongu.

²³Mu yisambuali yibilumbu bifeta ovagulila Fumu pagu tsiunyensa yisambuali yibalumi babangombi na yisambuali yibalumi babindombu abigaa na bifu; kadi yilumbu te na yisambuali yiotsu ovagulanga mulumi yinsabi upagu jiutsindula dibumi.

²⁴Obuesa pagu jitsangu ajiuba magumarieru makilu tsible amuna obuesa mbuta yisiamunu tsimatsi mu kadi mulumi ngombi nesi uyindombu bipagu.

²⁵Yilumbu yiyigumi na biranu bitsungi jimusambuali ovagulanga pagu tsieni te na yisambuali yibilumbu bifeta Paque: ovagulanga pagu tsieni utsindula dibumi nesi pagu tsiunyensa nesi miensili.