Read Punu Ezekiel 9 Bible Online

Ezekiel 9 - Punu bible

Ezekiel 9

¹Mbana nyimagulu Fumu ugamuga egamuyi rie: Bambananu jenu adukilisa bisi musiengi! Mutu mutu na yibungulu yiandi va dikaka!

²Laba babaala basiamunu bamaruyila mu nsila jidikotulu adineni o yiari yibanda yiNdagu Nsambi; mutu mutu na yibungulu yiandi va dikaka. Va gari ogu vamaba dibaala adimaduara matsanda maboti na amaduara yirura yindimba mu beleeti andi. Bamakota na bamasikama va mugula yinyensulu yipagu yikunga.

³Bundumba buNsambi Israel bumapalila va gari bibagunu bibiansa; bumawenda o yiari yiyilemondi yiNdagu Nsambi. Mbana Fumu amanengila dibaala adimaduara matsanda maboti na yirura yindimba va beleeti andi.

⁴Fumu amamutsingula rie: Vioga o gari Jerusalem, gukanamiga batu bilimba mu bambami bogu; botsu abetsukimi na abebimi mu diambu dinsoruru tsiotsu atsivagungu guna.

⁵Nyimagulu amatsingula basusu rie: Mudukianu o musiengi noyenabokanga; duyamuebalasa yingeba; duyamuebawamusa, via.

⁶Bokisanu nesi binunu, nesi bafudu nesi batsiemi nesi baana nesi bagetu; tumba duyabambana na jandi aguvu na yilimba va mbami. Bandilanu o Mbura Nsambi. Bamabanda uboka bivunda abimaba va gusu Ndagu Nsambi.

⁷Fumu amabaruma rie: Bivisanu Ndagu Nsambi; basanu bamfumbi va dulombili, mbana wendanu. Bamawenda na bamayenabokanga bisi musiengi.

⁸Av a bamayenabokilanga menu nyimasiala; nyimagudama na nyimagamuga rie: Aa Fumu Nsambi, je gubunga bansialutsu baIsrael ava guiwitilili kabu agu o Jerusalem?

⁹Amakwaka rie: Mabi mabaIsrael na mabaJuda mamaviolila ufuna; bulongu buotsu bumabasa na bukongu; musiengi umabasa na mambu amagaa mawelimina. Bevosi rie: Fumu amabusa dilongu diedidi, Fumu agetulabi.

¹⁰Meʼ wami ngobalasa yingeba, ngomuebawamusa, via. Mabi mogu mabi va julu tsimiuru miogu.

¹¹Mbana dibaala adimaduara matsanda maboti amayevosa misamu miandi rie: Nyimavaga adi gumatuma.