Read Punu Osee 2 Bible Online

Osee 2 - Punu bible

Osee 2

¹Tumba dutalu dubaIsrael duba nderi yisieyi yimubu ayigorungula uwetsugu nesi utalu. Diuleba Nsambi amalevosa rie: Duisaa batu bami, obanengilanga rie: baana bababaala baNsambi aguvu monyu.

²BaJuda na baIsrael bogukama, bosola sefu ogu na bogusuga mu bulongu; mu mbari yilumbu yiJizreel yiubayineni.

³Nengilanu baanat bataji benu bababaala na babagetu rie: Batu bami nesi abadurondu!

⁴Fuengililanu Israel aguvu nguji enu, nguji enu esaa mugatsi ami, menu nyisaa mulumi andi Mulembiyilianu, adundi bumbembu buandi nesi buvuyisa buandi!

⁵Patsirinana nyumuvula tsanda, nyumusila nana amabila va duburu duandi! Nyuvinsa bulongu buandi butamba budukanga nesi mbura ajigaa na mamba na nyumubokisa na puila mamba.

⁶Ngolasa baana bandi yingeba mu mbari bavu baana babumbembu.

⁷Nguji ogu amavaga bumbembu, agumababura amakebivisa mu mbari amavosa rie: Nyiyenadukanga maronda mami amepeyingi biguji nesi dimfunga nesi matsanda malina nesi matsi nesi malamu.

⁸Tumba menu Fumu nyidibiyi nsila andi na matsiendi na nyirungi yivaga yiri agomuelaba maviogulu mandi.

⁹Odukanga maronda mandi tumba agomarasuna; omaromba tumba agomalaba via! Mbana ovosa rie: Nyuwenda na nyuyenagatxiga ombu mulumi ami agutega, mu mbari va temu eni nyimalabanga nsangu uviolila temu ejiji.

¹⁰Asamajaba yiri menu agumamiiveganga ble na malamu na matsi; na nyimamuvega lora na lora jivema atsi amasalisa uyitsa Baal.

¹¹La dibandu nyumupatula ble tsiami va temu dutsonsugu nesi malamu mami va temu megamunu na nyumupatula dimfunga diami na matsanda mami malina ama mbe amaduaranga.

¹²Kabogu nyumulasa yisonyi va misu mamaronda mandi. Vagoba mutu umuwaka kalala ombu garni.

¹³Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

¹⁴Nyubunga nungi tsiandi tsirayisan na tsifiga, atsi amavosilanga rie: Maronda mami mamansaka! Nyutsikalusa musiru na bibulu bimusiru biutsijanganga.

¹⁵Fumu evosi rie: Nyumukilisa dedi mosi na bilumbu abi amavagulila Baal bima bimbunga jiboti abi amaduarila mioru miandi na misanga miandi ava amayenadukilanga maronda mandi abi amandibinina.

¹⁶Nyirondi umuduta nomubega o yiari yidukanga, mbana nyusovisa murima andi.

¹⁷Avana nyumugabusila nungi tsiandi tsirayisan na yibususu yimaguga yiukaluga diguyi diditasa di andi. Omuebanda uwimbila nana amawimbililanga va bungebi buandi nesi nana va yilumbu ayi amapalila o bulongu buEgypte.

¹⁸Fumu evosi rie: Muna yilumbu yieni ondengilanga rie: Mulumi ami! Agomuenengilanga rie: Baal ami, Fumu ami!

¹⁹Nyutsiemusa miina mabaBaal mu munu andi yiri magomuerangunu.

²⁰Muna yilumbu yieni nyukunsila batu bami pangini na bibulu bimusiru na batsoli na bilandila. Nyutsiemusa pita mu bulongu nesi dijenga nesi divita na nyubatsanisa na mirima misunda.

²¹Israel, nyuba mulumi agu mutubu, nyuba mulumi agu aguvu na dusungugu na aguvu mawelimina na maboti na durondu.

²²Nyuba mulumi agu aguvu usigama mbana gujaba nyivu Fumu.

²³Fumu evosi rie: Muna yilumbu yieni nyuwdgula; nyuwagula julu na julu jiuwagula butamba

²⁴na butamba buwagula ble na malamu na matsi na biotsu bina biuwagula Jizreel.

²⁵Mbana nyuvaga Jizreel nderi yivaru o bulongu na nyulasa Agugerondu durondu na nyutsingula Muenyi rie: Ndeʼ guvu mutu ami! Jandi okwaka rie: Nsambi ami!