Read Punu Osee 4 Bible Online

Osee 4 - Punu bible

Osee 4

¹BaIsrael guluanu mambu maFumu! Fumu ana musosi na bisi bulongu; ngensa jigatsi, yingeba yigatsi na bulongu buotsu bugejabi menu Nsambi.

²Vavu yika ndunsulu na mfurulu na uboka na udaga na bumbembu. Besalisi dikasi na bukongu na bukongu.

³La dibandu bulongu buotsu bunyongilanga na botsu abetsani muna bokuduga; nesi bibulu nesi batsoli nesi nyama tsimubu tsiutsiemuga.

⁴Tumba ne mutu mosi ayatumuna paga nesi mutu mosi ayawaka mu mbari batu bagu bavu na bukidi utsundisa muvagulitsi upagu.

⁵Ndeʼ guitsimbungu nyangu mubiyitsi etsimbu va mosi nagu mukolu, mbana nyubunga nguji agu Israel.

⁶Batu bami bamabungu mu mbari bagenjabi. Ndeʼ gumabusa unjaba kabogu nyugubusa na gupatulu buvagulitsi bupagu. Ndeʼ gumalibana migaga miNsambi agu, meʼ wami nyulibana baana bagu.

⁷Nana bavagulitsi bapagu bamafunina anana masumu mamafunina; bamasopana meʼ aguvu bundumba buogu na bakosi bansoruru.

⁸Bekusuyili masumu mabatu bami; kabogu bebarombisi uvaganga mabi.

⁹Nana muvagulitsi upagu avu anana wandi batu bobila. Nyubakilisa mu diambu dibifu biogu na nyubasaka dedi na bisalu biogu.

¹⁰Bojanganga ne nana bagogukuru, bovaganga bumbembu ne nana bagofunanga. Nyiina, bamabusa menu aguvu Fumu uvaganga buvuyisa.

¹¹Bumbembu na malamu magala na malamu madisoga bibatsiemusi diela.

¹²Batu bami besambili bakosi bamuiri, dupangu duogu duibabiyili; nsala bumbembu jibapembusi nsila. Bevayingi bumbembu te na bamakakana na Nsambi ogu.

¹³Bevaguli pagu va julu tsimikongu na benyensi bima bimbunga jiboti va julu tsibikundubuga. Bavu o tsi misena nesi mipali na miterabeta amivu na yivosi yiboti. La dibandu baana bogu babagetu bevayingi bumbembu nesi baboji bogu bavu bimbembu.

¹⁴Ngokilisa baana benu babagetu mu mbari bavu bimbembu nesi baboji benu mu mbari bavu bimbembu. Nyudukilisa mu mbari duipembusi baana babagetu nsila, uyevagula pagu va mosi na bimbembu bimandagu mabansambi. Nongu jivosi rie: Biduka bibatu uwenda bewendi o dubungu.

¹⁵Aa Israel, pa gukevega uvaganga bumbembu, Juda ayakota muna! Duyawenda o Guilgal nesi o Beth-Aven na duyaleva rie: Fumu ejabi.

¹⁶Mu mbari Israel amaba mumbini nderi muana ngombi agugegaru ulonsu. Dibandu yi Fumu obalisilanga o kumu jineni nderi bindombu bavu?

¹⁷BaEfraim bamafubana na bakosi.

¹⁸Badundi, bayenaviosulilanga kulini tsiogu nesi bumbembu buogu. Basefu bogu bagelabi ne yisonyi.

¹⁹Yimbongila yiubanangula, mbana bolaba yisonyi na pagu tsiogu.