Read Punu Osee 8 Bible Online

Osee 8 - Punu bible

Osee 8

¹Siga mumbanda! Balubusi: purulu uruga jiniyi nderi mbira ajrugaanga bulongu buFumu. Fumu evosi rie: BaIsrael bamabunsa pangini ami na bamasumuna migaga miami.

²Bamakamuyila rie: Nsambi etu, jetu baIsrael, tuigujabi!

³BaIsrael bamabusa maboti; kabogu bavinitsi bobabingisa.

⁴Bamakesolila bakaga, diuleba nyisamabaruma na bamasundila usola basefu; na lora tsivema na lora bamavaga bakosi. Divu diwelimina ubatsiemusa nana.

⁵Jenu bisi Samarie, uviolila ubueji ubusa muana enu ngombi ulora! Nyimadunyoyila tindi kabu. Te na temu yi dubanganga na nsiembu?

⁶Muana ngombi enu ulora uvu yisalu yibaIsrael Musalitsi amagusala, ugaa yisalu yiNsambi. La dibandu muana ngombi ulora uSamarie ubululu.

⁷BaIsrael jenu dumavar a punga, kabogu dutsonsiga mungudi. Nongu jivosi rie: Ble tsibipuvi, fufu jigatsi, pa tsiuvega, benyi botsiji.

⁸BaIsrael bamabungu! Bavu va gari malongu nderi yisanga ayigaa na tsongu.

⁹Bamawenda o Assyrie bavu nderi buru jimusiru uyenalinganga tumba baEfraim bamafuta maronda.

¹⁰Diuleba bamavega milendu ombu bisi malongu masusu, nyirondi ubagukiga, mua pesu temu botsogusungu na mifuna mikaga na mibasefu bandi.

¹¹Eft-aim amafunisa binyensulu bipagu uyenavaganga masumu; binyensulu bieni bipagu bimamurombisa mbela! Kamuna mbela ji!

¹²Diuleba nyimamusonina maruma motsu mamigaga miami amamagengila nderi mambu mangana.

¹³Bebokisi bibulu abi bepagulili mbana bejangingi banyama. Menu Fumu ngelabi ubueji na tsionyi. Nyirangimim mabi mogu, nyubakilisa mu diambu dimasumu mogu. Bomuegabuga o Egypte.

¹⁴Israel amalibana agumamusunda, na amarungisa mandagu mabukaga. Juda amafunisa misiengi mikandu. Tumba meʼ nyutinda muji usielasana misiengi miogu nesi mandagu mabukaga.