Read Punu Joel 1 Bible Online

Joel 1 - Punu bible

Joel 1

¹Amana mavu mambu ama Fumu amatsingula Joel muana dibaala uPetouel.

²Bivunda, guluanu mambu memama! Diambu dimunongu egugu dimalabana va temu enu, nesi jibataji benu?

³Ditsingulianu baana benu, baana benu bakaditsingula baana bogu, baana bogu boditsingula dukula aduduka!

⁴Ama makokoku ametabuli mamasila makokoku ameruyi mugeru mamaji, ama makokoku ameruyi mugeru mamasila makokoku amedumuyi mamaji, ama makokoku amedumuyi mamasila makokoku amebungi mamaji.

⁵Balangitsi rambuganu na lilanu! Jenu banuitsi botsu bamalamu tsukamanu mu mbari malamu madisoga mamadupatulu.

⁶Dibadi dimakokoku dimayibasa bulongu buetu, mavu na tindi mangolu na mavu mapuela mapuela. Mavu na minu nderi mayimbungu na mibaka nderi miyibusi yiyimbungu.

⁷Mamabunga mfuga tsietu tsirayisair, mamatabula mifiga mietu, mamamisotula na mamamiwanga; bitayi bimasiala bivema ve!

⁸Nyonganga dedi mosi na numba ajimaduara siela ulila mulumi agubanomuwela!

⁹Milendu na pagu tsiunu utsiemuga bitsiemuyi o Ndagu Nsambi. La dibandu bavagulitsi bapagu bavu mu bukuili, jogu abavu na yisalu usalila Fumu.

¹⁰Manungi mamabungu na butamba bumabivusu. Ble tsisatsi, malamu madisoga mamakamuga matsi mamasuka.

¹¹Bafutsitsi bamabakama mirima basalitsi bamanungi marayisan unyonga benyongi. Ble na orsa bimatsiemuga; dutsonsugu duotsu dumabungana.

¹²Mfuga jimagumuga, mufiga ufu uifu, dedi mosi na mugeranada na mbari na mupoma; miri miotsu mimusiru ugumuga migumuyi. Batu botsu besaa na nsangu.

¹³Bavagulitsi bapagu duaranu basiela na lilanu, bavagulitsi bapagu bayinyensulu yipagu tsukamanu! Ruganu uyiyelu mukolu uotsu, jenu basalitsi baNsambi etu! Milendu na pagu tsiunu bimatsiemuga o Ndagu Nsambi etu!

¹⁴Tubulanu temu ubusa uji, vaganu yibenguna yineni! Gukiganu bivunda na bisi bulongu botsu o Ndagu Nsambi etu, tatilanu Fumu etu!

¹⁵Ka muna yilumbu yi! Yilumbu yikabu jiFumu yika bebeli! Yiuruga nderi yivunga ayimarumu na Mungo Mangolu Motsu.

¹⁶Biguji bisamatupatulu? Nsangu nobueji bisamatsiemuga o Ndagu Nsambi etu?

¹⁷Bivaru bimabola o tsi butamba, bilundulu bimosi bivu pavala, bisusu bimapansiga mu mbari ble tsisatsi.

¹⁸Guluanu nana bibulu bibimini! Migamba mibangombi mimakambulu mu mbari misaa na biguji; nesi migamba mibindombu utsoga mitsoyi.

¹⁹Aa Fumu, ndeʼ nyitatili! Muji umasielasana kumu tsiotsu, na milutsu mimanyensa miri miotsu.

²⁰Bibulu bimusiru wandi bigutatili mu mbari mijamba mimakamuga na muji umasielasana kumu tsiotsu.