Read Punu Jonas 4 Bible Online

Jonas 4 - Punu bible

Jonas 4

¹Jonas asamalaba ubueji la dibandu amanyoyila.

²Amasambila Nsambi rie: Aa Fumu tsiri nana nyimavosila ava mbe nyikivu o bulongu buami? La dibandu nyimarondila urina o Tarsis. Nyimajaba yiri ndeʼ guvu Nsambi aguvu na murima udeda na mungo yingeba aguvu na pugu na aguvu na durondu; guvu ukunsama ugabusa murima nsima nesi ukilisa.

³Aa Fumu nsingisi ufu, ngerondi monyu.

⁴Fumu amawaka rie: Diwelimina unyoga?

⁵Jonas amapala o musiengi na amayetsana o disogumunu diNinive o yiari ayi wisi ewendisini. Avana amakerungila mua disaku, amakota o yivosi uyeviva adiulabana.

⁶Fumu Nsambi amabendisa yivaru va nsima Jonas umukubiga na yivosi novotsa kabu andi. Jonas amalaba tindi nsangu mu diambu diyivaru yieni.

⁷Tumba ava kedi o yiari yimatebugulu, Nsambi amatinda yibungi uyebunga yivaru yieni kabogu yimagumuga.

⁸Wisi unotebuga Nsambi amavotsa punga jiyiusila jiyiari ayi wisi epalili na nyangu jimabemba Jonas te na amabutabuga nyambu. Amaronda ufu na amavosa rie: Nyirondi ufu ngerondi monyu.

⁹Nsambi amawivula Jonas rie: Diwelimina unyoga mu diambu diyivaru? Amawaka rie: Diwelimina unyoga! Nyina nsala ne ufu.

¹⁰Fumu amavosa rie: Ndeʼ guinyongi yivaru ayi gusamatsoyila na gusamayineyisa; yimasundila ubenda mukolu na yimasundila ugumuga mukolu wandi.

¹¹Meʼ wami, dibandu yi ngonyonga Ninive musiengi uneni agu ne uviolila kama na magumabeji matosini tsibatu abetsani, abagejabi amavu mawelimina nogu na bibulu bipuela bipuela?