Read Punu Dutalu 29 Bible Online

Dutalu 29 - Punu bible

Dutalu 29

¹Yilumbu yitega mu tsungi jimusambuali, duwagula mbila Nsambi: duyasala ne yisalu yimosi. Yilumbu yieni yiusamunu ombu genu na mufi mamimbanda.

²Duvagulanga pagu jiunyensa ajiugulunu mbunga jiboti ombu Fumu, diwendi rie: mulumi ngombi na mulumi yindombu na yisambuali yibaana babindombu babalumi abakavu yilima yimosi, biotsu abigaa na bifu.

³Gukabuesanga pagu jitsangu: fufu ajimalambu na matsi: bietsu birieru mu yigumi mu mulumi ngombi; bietsu bibeji mu yigumi mu mulumi yindombu;

⁴yietsu yimosi mu yigumi mu kadi muana yindombu te na yisambuaii yiotsu.

⁵Dukavagulanga mulumi yinsabi upagu jiutsindula dibumi yiri duketsindulilanga dibumi.

⁶Va julu pagu tsieni tsiotsu dukavagulanga pagu jiunyensa jiyilumbu na yilumbu na pagu jitsangu na pagu jiunyensa kadi tsungi na pagu jiunu ajiubuesungu nana migaga mimatabululu, tsivu pagu atsiusielusunu na muji atsiugulunu mbunga jiboti ombu Fumu.

⁷Yilumbu yiyigumi yitsungi eni jimusambuali duwagulanga mbila Nsambi na dukevongula na duyasala ne yisalu yimosi.

⁸Duvagulanga pagu jiunyensa ajiugulunu mbunga jiboti ombu Fumu: mulumi ngombi na mulumi yindombu na yisambuali yibaana babindombu babalumi abakavu yilima yimosi, biotsu abigaa na bifu.

⁹Va julu vana duvagulanga pagu jitsangu: fufu ajimalambu na matsi: bietsu birieru mu yigumi mu mulumi ngombi; bietsu bibeji mu yigumi mu mulumi yindombu;

¹⁰yietsu yimosi mu yigumi mu kadi muana yindombu umulumi te na yisambuali yiotsu.

¹¹Dukavagulanga mulumi yinsabi upagu jiutsindula dibumi va mosi na pagu jiutsindula dibumi; dukavagulanga pagu jiunyensa jiyilumbu na yilumbu na pagu jitsangu na pagu jiunu.

¹²Yilumbu yiyigumi na biranu bitsungi jimusambuali duwagulanga mbila Nsambi, duyasala ne yisalu yimosi. Duji feta jiuyitsila Fumu te na yisambuali yibilumbu.

¹³Duvagulanga pagu jiunyensa ajiusielusunu na muji ajiugulunu mbunga jiboti ombu Fumu: yigumi na balumi barieru babangombi na balumi babeji babindombu na yigumi na baana bana babindombu abakavu yilima yimosi, biotsu abigaa na bifu.

¹⁴Dukasobananga na pagu jitsangu: fufu ajimalambu na matsi: bietsu birieru mu yigumi mu kadi mulumi ngombi dedi mosi mu yigumi na balumi barieru babangombi; bietsu bibeji mu yigumi mu kadi mulumi yindombu;

¹⁵yietsu yimosi mu yigumi mu kadi mulumi yindombu te na yigumi na bina biotsu.

¹⁶Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

¹⁷Yilumbu yimubeji dukavagulanga yigumi na balumi babeji babangombi na balumi babeji babindombu na yigumi na baana bana babindombu babalumi abakavu yilima yimosi, biotsu abigaa na bifu,

¹⁸na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

¹⁹Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

²⁰Yilumbu yimurieru dukavagulanga yigumi na mulumi umosi ungombi na balumi babeji babindombu na yigumi na baana bana babindombu abakavu yilima yimosi, biotsu abigaa na bifu,

²¹na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

²²Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

²³Yilumbu yimuina dukaivagulanga yigumi yibalumi babangombi na balumi babeji babindombu na yigumi na baana bana babindombu abakavu yilima yimosi, biotsu abigaa na bifu,

²⁴na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

²⁵Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

²⁶Yilumbu yimuranu dukavagulanga yifu yibalumi babangombi na balumi babeji babindombu na yigumi na baana bana babindombu abakavu yilima yimosi, biotsu abigaa na bifu,

²⁷na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

²⁸Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

²⁹Yilumbu yimusiamunu dukavagulanga yinana yibalumi babangombi na balumi babeji babindombu na yigumi na baana bana babindombu abakavu yilima yimosi, biotsu abigaa na bifu.

³⁰Na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

³¹Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

³²Yilumbu yimusambuali dukavagulanga yisambuali yibalumi babangombi na balumi babeji babindombu na baana bana babin dombu abakavu yilima yimosi, biotsu abigaa na bifu,

³³na pagu jitsangu na pagu jiunu tsibalumi babangombi na balumi babindombu na baana babindombu muna dutalu duogu nana migaga mimatabululu.

³⁴Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

³⁵Yilumbu yimunana dubanganga na yibenguna yiusita, duyasala ne yisalu yimosi.

³⁶Dukavagulanga pagu jiunyensa: pagu ajiusielusunu na muji ajiugulunu mbunga jiboti ombu Fumu: mulumi ngombi umosi, mulumi yindombu umosi na yisambuali yibaana babindombu babalumi abakavu yilima yimosi, biotsu abigaa na bifu,

³⁷na pagu jitsangu na pagu jiunu tsimulumi ngombi na mulumi yindombu na baana babindombu muna dutalu duogu nana migaga mimatabululu.

³⁸Dukavagulanga mulumi yinsabi upagu jiutsindula dibumi va mosi na pagu jiunyensa jiyilumbu na yilumbu na pagu jitsangu na pagu jiunu.

³⁹Atsina la pagu atsi duvagulilanga Fumu mu bafeta benu va mosi na pagu tsiunyensa na pagu tsitsangu na pagu tsiunu na pagu tsikabusulu tsimaboti ava duidugusuiungu pangini vo pagu tsitondini.