Read Punu Sophonie 2 Bible Online

Sophonie 2 - Punu bible

Sophonie 2

¹Gukamanu na kekelulanu, jenu bisi malongu adugaa na yisonyi,

²mbe dusakavembulu nderi mikondu amivembulu na punga nesi kabu jiFumu jikadusundila, nesi yilumbu ayi jiusundila ulabana.

³Jenu mavolambombu motsu jenu bisi malongu abeduki mamma maFumu, murombianu! Rombanu dusungugu, rombanu buvolambombu! Tanguji duwaku kalala mu yilumbu ayi kabu jiFumu jiulabinina.

⁴Gaza ulibunu, Ascalon usiala mududu, Asdod ubingu va muangulu, Ecron urakulu.

⁵Ka muna maguga ma bisi ndagu Kaftor bolaba! Fumu ana kueru nagir Canaan o dilongu dibaPhilistin, amavosa rie: Nyugupansa, na batu bagu botsiemuga.

⁶Masimu mamubu mokaluga mbura atsibibulu bejangingi nesi mbura atsi babungulitsi botsananga o yiari yieni; avana bobungulilanga migambu miogu;

⁷ava tsisiga bosilama o mandagu maAscalon. Mu mbari Fumu Nsambi ogu agobalibana na ogabusa bakoli bogu.

⁸Nyimagulu bisiengu bibisi Moab nesi mfuengululu tsibaAmmon ava bamasiengila batu bami na bamakuekisa mandilu mogu uroyisa biari biogu.

⁹Menu Fumu Mabadi aguvu Nsambi Israel nyivosi rie: Meʼ beni nyijabi! Moab na Ammon miuba nderi Sodome na Gomorrhe, mbura ativu na matsiendi na matsiendi nesi mbura musayi. Bansialutsu babatu bami bobakinda na bobialila dilongu diogu.

¹⁰Dionyi diulabana mu diambu didunangu duogu, bamasienga batu baFumu Mabadi.

¹¹Fumu obalasa bukanyi buandi ava obungila bansambi babutamba. Mbana mutu mutu oyitsa Fumu o dilongu diandi.

¹²Fumu amavosa rie: Jenu bisi Ethiopie wandi dubokusu o divita.

¹³Fumu osamba dikaka dimangolu o banda obunga Assyrie, osila Ninive mududu nesi mbura jidukanga.

¹⁴Migamba miutsaninanga muna, nesi bibulu bimunongu na munongu. Yivuyisa vengama na tsibitsi botsananga o gari tsibiviovi bimakutu. Bibulu biutsananga va bafenetera; bakavanga botsananga va bilemondi na tsimbi tsisedera tsiugusulu.

¹⁵Kabogu musiengi agumalebasa na nsangu agu batu bamatasanga uba sikiri, agumatasanga rie: Menu, vagaa ususu yika menu! Ka muna diambu di! Umapansiga, uvu yisuemunu yibibulu! Botsu abovioganga va mugula uonyi bosimina na bogusiyila ndungu dikaka.