Read Punu Matthieu 1 Bible Online

Matthieu 1 - Punu bible

Matthieu 1

¹Bukulu buJesus Christ muana David muana Abraham.

²Abraham amabura Isaac; Isaac akabura Jacob; Jacob akabura Juda na baana bataji bandi;

³Juda na Thamar bakabura Phares na Zara; Phares akabura Esrom; Esrom akabura Aram;

⁴Aram akabura Aminadab; Aminadab akabura Naasson; Naasson akabura Salmon;

⁵Salmon na Rahab bakabura Booz; Booz na Ruth bakabura Obed; Obed akabura Jesse;

⁶Jesse akabura kaga David. Kaga David na mugatsi Urie bakabura Salomon;

⁷Salomon akabura Roboam; Roboam akabura Abia; Abia akabura Assaf;

⁸Assaf akabura Josaphat; Josaphat akabura Joram; Joram akabura Ozias;

⁹Ozias akabura Joatham; Joatham akabura Achaz; Achaz akabura Amon; Amon akabura Josias;

¹⁰Ezekias akabura Manasse; Manasse akabura Amon; Amon akabura Josias;

¹¹Josias akabura Yekonia na baana bataji bandi, temu aji batu baIsrael bamabegulu baviga o Babylone.

¹²Banobegu baviga o Babylone Yekonia akabura Salathiel; Salathiel akabura Zorobabel;

¹³Zorobabel akabura Abiud; Abiud akabura Eliakim; Eliakim akabufa Azor;

¹⁴Azor akabura Sadok; Sadok akabura Achim; Achim akabura Eliud.

¹⁵Eliud akabura Eleazar; Eleazar akabura Matthan; Matthan akabura Jacob;

¹⁶Jacob akabura Joseph agumaba mulumi Marie omabura Jesus ajinengulungu Christ.

¹⁷Kabogu vavu digumi na kula jina ubanda na Abraham te na David; digumi na kula jina ubanda na David na dubegulu o Babylone; na digumi na kula jina ubanda na dubegulu o Babylone te na duburu duChrist.

¹⁸Guluanu nana duburu duJesus Christ dumabila. Vamaba mutu diina diandi Joseph, amakuma mugetu diina diandi Marie. Kabogu ne bakatsana va mosi mugetu amajaba yiri aka na dimi adi amadila na mangolu maYinyunyi yiNsambi.

¹⁹Mulumi andi Joseph amaba mutu Nsambi. Asamaronda umulasa yisonyi va gusu batu, kabogu amagana uboka diwela o musuega.

²⁰Ava jandi amaditasilanga yiansa yiFumu yimalabana nandi o ndosi na yimavosa rie: Joseph muana David, guyalaba keri uboriga mugatsi agu mu mbari dimi adivu nandi dimaruyila mu mangolu maYinyunyi yiNsambi.

²¹Jandi obura muana dibaala na gumuluga Jesus, jandi ogobula batu bandi mu masumu mogu.

²²Motsu mana mamalabana udugusu ama mubiyitsi amavosila Fumu rie:

²³Tsiemi odila dimi, obura muana dibaala na bomuluga Emmanuel. (Divindugulu rie: Nsambi aji netu.)

²⁴Ava Joseph amarambuyila amavaga adi yiansa yiFumu yimamuruma, amabonga mugatsi andi.

²⁵Tumba asamafubana yitsiga nandi te na amabura muana dibaala agu Joseph amaluga Jesus.