Read Punu Migaga Mimatubula 15 Bible Online

Migaga Mimatubula 15 - Punu bible

Migaga Mimatubula 15

¹Kadi yilima yimusambuali dusingilila miganu.

²Guluanu nana gusingililanu miganu. Ava botubulila yilima yidujegusu na duyitsu musombitsi uotsu agumasomba mutu nandi osingululu miganu, agobakiga mutu nandi na muana taji andi umufutila muganu andi.

³Durungula ubakiga muenyi: tumba pa muana taji enu ana muganu nenu dukamusingilila uonyi.

⁴Dingensa va gari enu vagoba bijaga mu mbari Fumu odugabila miula o bulongu abu Fumu Nsambi enu oduvega disiala,

⁵dimosi buandi vengu dudedila diufi diFumu Nsambi enu nokipanga migaga miotsu na buranga ami nyiduveyi namunyi.

⁶Fumu Nsambi enu odugabila miula nana amadutsingulila yiri dusombisa bisi malongu mapuela tumba dugosomba: durumanga malongu mapuela tumba bisi malongu meni bagoduruma.

⁷Pa duna muana taji aguvu yijaga aguitsani va musiengi mosi o bulongu abu Fumu Nsambi enu oduvega, duyagalisa mirima mienu na duyawimina muana taji enu mu mbari avu yijaga.

⁸Tumba dukamugabilanga na dukamusombisa abi oba na nsala.

⁹Kebananu, duyaba na matasa mabi novosa rie: Yilima yidujegusu yika bebeli kebananu, duyabusa ulasa muana taji enu aguvu yijaga yingeba na duyamuwimina. Ogamuyila Fumu mu diambu dienu, adina diudurombisa dibi.

¹⁰Musombisi, duyadivaga na mifiotu; mbana Fumu Nsambi enu odugabila miula mu bisalu bienu biotsu biminongu na minongu.

¹¹O bulongu buenu dubanganga bijaga, la dibandu nyiduveyili diruma diedidi rie: Duyawimina muana taji enu agumakambulu nesi aguvu yijaga.

¹²Pa muana taji enu aguvu Hebreu, nesi dibaala nesi mugetu okesumbisa ombu genu, odusalila bilima bisiamunu; tumba yilima yimusambuali dukamujeyisa.

¹³Ava dumujeyisila duyamuganina miogu na miogu;

¹⁴dukamugabila nesi yindombu nesi yinsabi nesi tsangu tsible nesi malamu; biotsu abi dudilila na miula miFumu Nsambi enu.

¹⁵Dukarangimina yiri jenu wenu dumaleba baviga o Egypte na Fumu Nsambi enu amadujeyisa: la dibandu nyiduveyili mugaga egugu.

¹⁶Pa baviga benu bodutsinguia rie: Tugerondi ugusuga mu mbari tuidurondi, jenu na bisi ndagu enu; tuji buranga nenu.

¹⁷Kabogu dukabonga mutobu, dukabatoba matuji va diguyi dindagu, boba baviga benu mutubu. Dukavaga munongu mosi na baviga benu babagetu.

¹⁸Duyalaba uvura ubajeyisa mu mbari bamadusalila bilima bisiamunu, mbe ka musalitsi mbe dumakefutila kumbu beji; Fumu Nsambi enu odugabila miula mu bienu biotsu.

¹⁹Dukawakisa Fumu Nsambi enu tsomi tsiotsu tsibalumi atsiuburungu mu migamba mibangombi nesi mibindombu nesi mibinsabi. Duyasalisa tsomi tsibangombi benu na duyafuga tsomi tsibindombu bienu.

²⁰Yilima na yilima dukatsijanganga va gusu Fumu Nsambi enu, jenu na bisi mandagu menu va mbura aji Fumu osola.

²¹Pa yivu na yifu vo pa yipitsuyi vo pa yivu yidunga vo pa yivu na yifu yika la yifu duyayivagulila Fumu Nsambi pagu jiunyensa.

²²Dukayijanganga o mandagu menu; jandi aguba muinsi na jandi aguba ulioma boji, botsu babeji nana bejangingi tsiesi vo kabi.

²³Dimosi buandi duyaji nyama atsisakadekisa malungu; dukamapuga va tsi nana bepuyili mamba.