Read Punu Migaga Mimatubula 5 Bible Online

Migaga Mimatubula 5 - Punu bible

Migaga Mimatubula 5

¹Moise amanengila baIsrael botsu na amabatsingula rie: Guluanu migaga na maruma abi nyidutsinguli namunyi. Biwijianu na bikipianu tindi ukipa.

²Fumu Nsambi etu amavangana pangini netu o mukongu uHoreb.

³Tsiri yika na bataji betu Fumu amavangana pangini eni: amajivangana ne na jetu nenu atuvuanu vava na jetu botsu tuki monyu.

⁴Fumu amavosa nenu kiakiaki o julu mukongu o gari muji.

⁵Nyimaba yikambi va gari jenu na Fumu udutsingula mambu maFumu: mu mbari dumalaba goma jimuji kabogu dusamamata o julu mukongu. Fumu amavosa rie:

⁶Menu la Fumu Nsambi agu. Nyimagupalisa o buviga o bulongu buEgypte.

⁷Guyayitsa bansambi basusu, yika menu.

⁸Guyavala bakosi vo ne yibagunu yiotsu yibima abivu o julu vo ne abivu vava tsi vo ne abivu o tsi mamba.

⁹Guyagudama va gusu ogu na guyabayitsa. Menu la Fumu Nsambi agu; nyivu Nsambi aguvu na diwavi oyikilisi bataji mu diambu dimabi mogu, nesi baana nesi bategula te na bandelabongu, diwendi rie: botsu abepini.

¹⁰Nyilasi yingeba te na tosini jikula ombu jogu abetondi na abededili maruma mami.

¹¹Guyaranguna diina diFumu Nsambi agu kulini: mu mbari Fumu agotamba nokilisa jogu aberanguni diina diandi kulini.

¹²Rangimina yilumbu yiuvuma uyivaga yingitsi nana Fumu Nsambi agu amagurumina.

¹³Gusalanga bisalu biagu biotsu mu bilumbu bisiamunu.

¹⁴Yilumbu yimusambuali yivu yilumbu yiuvuma yiFumu Nsambi agu; guyasala ne yisalu yimosi mu yilumbu yieni, ne muana agu udibaala ne umugetu ne musalitsi agu udibaala vo umugetu ne ngombi agu ne buru agu ne yibulu yiagu yiotsu yisusu ne muenyi aguitsani o ndagu agu; vengu musalitsi agu udibaala vo umugetu bovuma dedi mosi nagu.

¹⁵Gurangimina yiri gumaleba muviga o Egypte na Fumu Nsambi agu amagupalisa na mangolu mandi: la dibandu Fumu Nsambi agu amagurumina urangimina yilumbu yiuvuma.

¹⁶Yitsa taji agu na nguji agu yiri guba na nsangu jiwelimina o bulongu abu Fumu Nsambi agu oguvega nesi te na gununa.

¹⁸Guyavaga bumbembu.

²⁰Guyasingisila mutu nagu bumbeji bumfurulu.

²¹Guyanyungila mugatsi umutu nagu; guyanyungila ndagu jimutu nagu; nesi nungi andi nesi musalitsi andi udibaalanesi umugetu nesi ngombi andi nesi buru andi nesi yima yiotsu ayivu na mutu nagu.

²²Amimi la migaga ami Fumu amavosa na diufi dineni adimaruyila o julu mukongu o gari muji no mamungi no pisama; amamitsingula dibuli dienu diotsu, asamabuela ususu. Amamisona va mamanyi mabeji ama amakwakisa.

²³Ava dumagululu diufi adimagulunu o gari pisama, diuleba mukongu umaba yika muji na muji, bivunda bibifumba bienu na bivunda bienu, botsu bamabambana nami:

²⁴jenu dumavosa rie: Laba Fumu Nsambi etu amatulasa bundumba buandi na buneni buandi na jetu tumagulu diufi diandi o gari muji: namunyi tumalaba yiri Fumu uvosa evosi na batu ne nana bagofu.

²⁵Tumba dibandu yi tumuefuila? Pa tumuegulungu diufi diFumu Nsambi etu tugofu?

²⁶Va mutu agumagulu diufi diNsambi adimapalila o gari muji agukivu monyu

²⁷Ndeʼ Moise bambana nogulu motsu ama Fumu Nsambi etu ovosa; gukayitutsingula motsu ama Fumu Nsambi etu otutsingula; tumagulu na tumakipanga.

²⁸Fumu amagulu motsu ama dumansingula. Kabogu Fumu amansingula rie: Nyimagulu mambu ama batu beni bamagutsingula; motsu ama bamavosa mavu mawelimina.

²⁹Aa mbe bavu na murima umosi ukitsila nokipanga maruma mami motsu mbe bolabanga ubueji, jogu na bategula bogu!

³⁰Wenda yebatsingula rie: Gabuganu o mandagu menu mamatsanda.

³¹Tumba ndeʼ siala nami vava mbana nyugutsingula malongi na maruma na migaga abi gubalonsa yiri bobikipanga o bulongu abu nyubavega.

³²Dukipanga motsu ama Fumu Nsambi enu amaduruma; duyasumuna nesi umosi nesi ususu.

³³Duvioyilanga yika mu nsila aji Fumu Nsambi enu amaduruma yiri dugofu na dulabanga ubueji na dununa o bulongu abuba abuenu.