Read Punu Romains 15 Bible Online

Romains 15 - Punu bible

Romains 15

¹Jetu atumawara tuwarisianu aba-kibadeda ava belabili maguga. Tu-yakipa yika amotulasa ubueji.

²Mutu mutu arangimini mutu nandi novaga adivu diwe-limina umuwarisa.

³Christ jaʼ beni asamakipa yika amandi. Nana Bisonu bisonugulu rie: bisiengu abi begusiengi bikengili.

⁴Motsu amamasonugu kala mu Bisonu mamasonugu utuvega ditasa, diwendi rie: mu monyi tuiwiji pugu na uwamusa uNsambi.

⁵Nsambi oyigabi pugu na uwamusa adufubini va mosi yiri du-bagunu na Jesus Christ

⁶noba na diufi dimosi noyitsa Nsambi aguvu Taji Fumu etu Jesus Christ.

⁷Fubasananu mirima nana Christ ama-fubinina murima nenu yiri diina diNsambi diudodusu.

⁸Mu mbari Christ amakevaga musalitsi ombu baJuif ulasa ngensa jiNsambi nowarisa pangini atsimavangunu na bivunda

⁹na mu dionyi abagaa baJuif wandi bamalaba yingeba yiNsambi kabogu bamamudodisa. Nana Bisonu bisonugulu rie: La dibandu nyuguyitsilanga va gari abagaa baJuif, na nyudodisa diina diagu na nyimbu tsiami.

¹⁰Jandi amabuesa rie: Jenu adugaa baJuif, labanu ubueji va mosi na aba Nsambi amasola!

¹¹Na amabuesa wandi rie: Yitsanu Fumu, jenu botsu adugaa baJuif, muyitsianu jenu batu botsu!

¹²Na Esaie amabuesa rie: Mutegula uJesse oruga, orumanga malongu, na bomuvayila yitu.

¹³Nsambi oyiduveyi ditasa adubuesi nsangu na duvotsu mu diambu diyitu yienu te na ditasa dienu diwarusu na mangolu maYinyunyi yiandi.

¹⁴Baana bataji bami, nyimajaba kala yiri duna maboti mapuela na duna diela kabogu durungula ulubusana.

¹⁵Mu muganda egugu nyimadulonsa na mangolu udurangimisa mambu mamosi. Nyimadusonina nana mu mbari na maboti mandi, Nsambi amansola uba

¹⁶musalitsi uJesus Christ ombu abagaa baJuif. Nyiji nderi muvagulitsi upagu ava nyilonsili Musamu Uboti uNsambi yiri abagaa baJuif bokalula diela noba nderi pagu jiboti ajima-vagulu ombu Nsambi ajimawelumusu na Yinyunyi yiandi.

¹⁷Nyinofubana murima na Jesus Christ nyurungula usangila mu diambu diyisalu ayi nyisalili Nsambi.

¹⁸Nyiina, nyu-vosa na mangolu tumba nyutubula yika ama Christ amavaga ava amapeyila mambu mandi na ava amandasila bisalu biandi yiri abagaa baJuif bojaba umudedila.

¹⁹Jogu bamadedila Nsambi ava bamalabila bilimba na bimaga abimavagu na mangolu maYinyunyi yiandi. La dibandu ubongila va Jerusalem te na Illyrie nyimasamunanga Musamu Uboti uJesus Christ.

²⁰Nyimaronda viri usamuna Musamu Uboti mu mbura atsi diina diChrist mbe disa-kasamunu yiri ngorunga va yibuga yingana.

²¹Nana Bisonu bisonugulu rie: Jogu abasamasamununu diina diandi bodigulu, na jogu abasamalegaanga botsiyisa.

²²Nyiina, nyimagubutsu uruga ombu ge-nu.

²³Tumba namunyi nyisaa na diambu adi-nsikiyi vava. Kala kala nyimaronda uruga ombu genu kabogu uruga nyiruyi.

²⁴Tanguji ava nyuwendila o Espagne diuba diwelimina yiri nyulesikama ombu genu. Diwendi rie: nyuletsana nenu mbana durungula ukwamusa na muendu.

²⁵Namapapa o Jerusalem nyiwe-ndi uyesala na batu baNsambi.

²⁶Bisi Mace-doine na bisi Grec bamagunga mbongu utinda ombu bisi dibundu o Jerusalem

²⁷Divu dingensa yiri diambu dimabanda nogu tumba bama-ba na yiuga nogu, tsiri bisi Jerusalem abama-gabila abagaa baJuif Mambu maNsambi? Kabogu divu diwelimina yiri abagaa baJuif bobagabusila maboti.

²⁸Yika nyimani yisalu yieyiyi nobawakisa mbongu tsietsitsi, nyuwe-nda o Espagne tumba nyuvioyila ombu genu.

²⁹Jabanu rie: ava nyudulingulila nyuruga na mula uChrist.

³⁰Baana bataji nyidugombi mu diina diFumu etu Jesus Christ na mu durondu du-Yinyunyi yiandi kwamusianu na tsambu tsienu.

³¹Sambilanu yiri bisi Judee abagaa na yitu bagopaga diambu. Sambilanu wandi yiri batu baNsambi abavu o Jerusalem bondila na yiri bosinga mbongu tsietsitsi.

³²Pa Nsambi erondi nyutola ombu genu na nsangu na nyu-yevuma.

³³Nsambi duvotsu abi nenu! Amen!