Read Punu Romains 16 Bible Online

Romains 16 - Punu bible

Romains 16

¹Yibusi yietu Phebe ojivu mu yisalu yidibundu diCenchrees odurasuna.

²Mudihanu mu diina diFumu nana divu diwe-limina na batu baNsambi na muwamusianu mu mbari jandi amawamusa batu bapuela na menu wami.

³Veganu mambolu ombu Priscille na Aquilas bambatsi bami mu yisalu yiJesus Christ.

⁴Jogu bamabufu mu diambu diami. Tsiri yika menu oyibagabusili diboti tumba mabundu ma-abagaa baJuif mebagabusili di-boti wandi.

⁵Veganu mambolu ombu dibundu adibenguni o ndagu ogu. Veganu mambolu ombu mbatsi ami Epainete agumarela ugobu-lu o Asie.

⁶Veganu mbolu ombu Marie oma-dusalila puela.

⁷Veganu mambolu ombu ba-mbatsi bami Andronicus na Junias abamaba nami o tsugu. Bilumbi biotsu bebajabi na ba-mateyila ugobulu.

⁸Veganu mbolu ombu Ampliatus aguvu mbatsi ami mu diambu diFumu.

⁹Veganu mbolu ombu Urbain mbatsi etu mu yisalu yiChrist. Veganu mbolu ombu mbatsi ami Stachys.

¹⁰Veganu mbolu ombu Apelles agumalabu awelimina mu yisalu yiChrist. Veganu mambolu ombu mukuta uAristobule.

¹¹Veganu mbolu ombu Herodion yiburu yia-mi. Veganu mambolu ombu baana bataji aba-vu mu mukuta uNarcisse.

¹²Veganu mambolu ombu Tryphene na Tryphose abesalili Fumu. Veganu mbolu ombu mbatsi ami Perside oma-salila Fumu puela.

¹³Veganu mbolu ombu Rufus omaba tindi musalitsi uFumu. Veganu mbolu ombu nguji andi aguvu nderi nguji ami.

¹⁴Veganu mambolu ombu Asyncrite na Phlegon na Hermes na Patrobas na Hermas na baana bataji abavu nogu.

¹⁵Veganu mambolu ombu Philologue na Julie na Neree na yibusi Olympas na batu baNsambi botsu abavu nogu.

¹⁶Bumbasananu. Mabundu motsu maChrist meduveyi mambolu.

¹⁷Baana bataji nyidulubusi rie: Rinanu bango dugabu na abetumuni paga na abevini malongi ama dumalonsu kala. Kakananu no-gu.

¹⁸Batu beni bagesalili Fumu etu Christ tumba yika nsala tsiogu. Na posulu tsiogu na ndunsulu tsiogu bebivisi batu baNsambi.

¹⁹Diduma dienu, diwendi rie: nana dumadedi-la Fumu dimanyavanga. La dibandu nyilabi ubueji nenu. Banu bavayitsi bamaboti, duya-fuama mu mabi.

²⁰Mua pesu temu Nsambi oyiveyi duvotsu obetsa Satan. Maboti maFumu etu Jesus Christ njabi nenu!

²¹Timothee mbatsi ami mu yisalu eduti-ndili mambolu na Lucius wandi na Jason na Sosipater abavu biburu biami.

²²Menu Tertius anyimasona muganda egugu, nyidutindili mambolu.

²³Gaius edutindili mambolu, nyivu nandi na nyibenguni o ndagu andi. Eraste edutindili mambolu. Aji mukelisi mbongu va dibundu diedidi. Muana taji etu Quartus edutindili mambolu! [

²⁴Maboti maFumu etu Jesus Christ mabi nenu! Amen!]

²⁵Tudodisianu Nsambi! Jandi ana ma-ngolu uwarisa yitu yienu nana Musamu Uboti agu nyisamuni uivosili. Musamu eni agu nyi-samuni la malongi maJesus Christ amamale-suegu mbana mamavegu ombu babiyitsi.

²⁶Va temu ejiji mamalasu ava maruma maNsambi mamavegulu ombu botsu. Diwendi rie: ma-malasu namunyi yiri batu bomavayila yitu na yiri bomadedila.

²⁷Nsambi aguvu na diela adodusungu mutubu mu mbari amatuvega Jesus Christ! Amen!