Read Punu Romains 2 Bible Online

Romains 2 - Punu bible

Romains 2

¹Ndeju guitabuiili basusu bunsonsi? Gugaa na muguma ne guji nana yi! Mu mbari bunsonsi buagu bugaa na tsongu ava guibutabulili guikebetsa.

²Tumba tuijabi yiri Nsambi ana ndunga ava eveyili batu bamuno-ngu eni mbela.

³Tumba ndeju guivayi motsu ama guigandisi basusu uvaga! Guitasi gurina mufundu uNsambi?

⁴Kabogu guilevuli mabo-ti maNsambi na pugu andi na usunda umurima andi? Gugejabi yiri maboti maNsambi megu-veyi murima ukalula diela?

⁵Ka muna muru mubi gu! Ndeju beni guikefunisila mukilu agu Nsambi ogukilisa yilumbu ayi olasila kabu andi ava otabulila bunsonsi buandi.

⁶Jandi osaka mutu mutu nana amasalila.

⁷Ovega monyu umutubu ombu jogu abekeveyingi usala na yisuebiri yiri bolaba bundumba na duyitsu te na bodila tindi monyu.

⁸Tumba ombu jogu abemubusi nesi abebusi ngensa andi, diwendi rie: bewendingi nana berondili, ombu gogu, olasa kabu andi jiotsu.

⁹Voba diguga na goma ombu batu botsu abevayingi mabi, tetega ombu baJuif mbana ombu abagaa baJuif.

¹⁰Nsambi ovega bundumba na duyitsu na du-votsu ombu botsu abevayingi maboti, tetega ombu baJuif mbana ombu abagaa baJuif.

¹¹Mu mbari Nsambi agaa na dupasu.

¹²Botsu abevayi masumu, tsiri ujaba mi-gaga miMoise bobungana ne nana. Botsu abe-vayi masumu ne bejabi migaga miMoise bo-bungana wandi, mionyi miubavega mbela.

¹³Mu mbari tsiri migaga amisungiyi mutu va gusu Nsambi tumba nsala udedila mionyi.

¹⁴Ava benyi abagaa o tsi migaga mibaJuif bevayili mawelimina, joʼ beni na joʼ beni bela-si yiri bamakesunsa o tsi migaga, diuleba migaga misamabavegu.

¹⁵Bisalu biogu bilasi yiri migaga mivu nogu. Matasa mogu wandi melasi munongu mosi: mamosi meveyi mutu diela ukevega ndunga, masusu memuveyi die-la ukevega mbela.

¹⁶Mu yilumbu ayi Nsambi otabulila batu bunsonsi adina diulabana mu mbari Jesus Christ opalisa amamasuegu. Adina Musamu Uboti agu nyilonsi uinsinguli.

¹⁷Ndeju muJuif, guikipi migaga, guike-matisa na Nsambi agu,

¹⁸guijabi adi Nsambi erumi. Migaga mienu migulonsi adivu di-welimina,

¹⁹guirondi uwendisa bidunga na guirondi umonitsa abavu o tsi pisama jimasu-mu yijalala.

²⁰Gurungula ulonsa abagaa na diela nesi bangebi. Gumatsiyisa migaga ka-bogu guna diela dingensa.

²¹Je ndeʼ gulonsa yika basusu gugokelonsa? Tsia guilonsi rie: Duyadaga? Ka dibandu yi guidayili?

²²Tsia guilonsi rie: Duyavaga bumbembu? Ka diba-ndu yi guivayili bumbembu? Tsia guivosi rie: Nyivini bakosi? Ka dibandu yi guibagomini?

²³Tsia guikekakisa nana guikipingi migaga? Ka dibandu yi guilensili Nsambi nosumuna migaga?

²⁴Mu mbari Bisonu bisonugu rie: Mu diambu dijenu baJuif, abagaa baJuif bevosili diina diNsambi dibi.

²⁵Pa guikipi migaga, durebu duagu duvu duboti tumba pa guisumuni migaga durebu duagu duvu nderi gusarebu.

²⁶Kabogu pa agu-sarebu ekipi migaga, Nsambi agomugengila nderi arebu?

²⁷Ndeju muJuif, guvegu mbela na abagaa baJuif. Guisumuni migaga ami-mavegu kala na gumarebu, jogu bekipi mi-gaga ne basarebu.

²⁸Nyilabi rie: MuJuif agaa muJuif mu mbari ebagunu na muJuif na durebu dugaa yika yilimba.

²⁹MuJuif aguvu tindi muJuif la jandi agumakevega na murima uotsu, diwendi rie: durebu duandi duvu yisalu yiYinyunyi yiNsambi tsiri ayi migaga. Nsa-nunu andi jilasi rie: amarebu ulasa Nsambi ubueji tsiri batu.