Read Punu Romains 7 Bible Online

Romains 7 - Punu bible

Romains 7

¹Baana bataji jenu dumajaba kala mambu mamigaga, amana nyirondi umuevosa nenu; migaga mina mangolu ombu mutu yika pa aki monyu.

²Legengilatianu mugaga udi-wela; mugetu-mawela aji atungu na mulumi andi ava mulumi aki monyu. Pa mulumi amafu mugaga uirumi rie: Agaa atungu aji nana.

³Tu-mba pa mulumi andi aki monyu yika ewelu na dibaala disusu aji yimbembu; tumba pa mulu-mi amafu na ewelu na dibaala disusu agevayi bumbembu. Divu munongu mosi ombu genu, baana bataji.

⁴Ava dumafuila na Christ duma-bokisa migaga mu mbari dumafubana mirima nandi nesi na dufu nesi na durambugu; la diba-ndu dufunanga wandi.

⁵Ava mbe tukivu na yimumutu, migaga mimapupisa nsala tsietu na tsimatubega o dufu.

⁶Tumba namunyi tugaa o tsi migaga amimatuvaga baviga, amina mima-boku. Tugemueduka migaga amimasonu kala tumba tuiduki Yinyunyi yiNsambi aguvu na nsanunu jigona.

⁷Kabogu yika tsie? Migaga milonsi masu-mu? Tsatsabi! Mbe migaga misamaruma rie: Guyanyungila mbe nyisamajaba dunyungi.

⁸Dnrima dunapupisa unyungilanga. Mu mbari masumu magaa masumu pa migaga migatsi.

⁹Tumba yiotsu ayi migaga mimatuma, nyima-nyungilanga te na nyimafu.

¹⁰Diwendi rie: di-ruma adimavegu uvega monyu yika uboka dimamboka.

¹¹Diruma dimandunsa ava nyi-mapupusulu na masumu diwendi rie: diruma dimamboka.

¹²Kabogu migaga mivu miNsambi na di-ruma divu diNsambi na divu disungama na diboti.

¹³Kabogu adivu diboti dimamboka? Tsatsabi! Masumu mamamboka na mamalasa kengili nana mavu. Monyi mamarombisa di-ruma umboka. Diwendi rie: diruma dimaka-lusa masumu tindi masumu.

¹⁴Tuijabi rie: bunyunyi na bumutu buvu; migaga mivu mibunyunyi tumba menu nyiji mutu, muviga masumu.

¹⁵Ngejabi adi nyivayi na ngevayi adi nyirondi tumba nyivayi adi nyivini.

¹⁶Kabogu pa nyivayi adi ngerondi, adina dindasi yiri migaga mivu miboti.

¹⁷Ka-bogu tsiri menu oyidivayi tumba masumu amavu nami.

¹⁸Nyijabi yiri diboti digaa na yimumutu yiami. Diuleba nyina nsala uvaga diboti tumba ngaa na mangolu udivaga.

¹⁹Nge-vayi diboti adi nyirondi uvaga, nyivayi dibi adi ngerondi.

²⁰Pa nyivayi adi ngerondi tsiri menu oyidivayi tumba masumu amavu nami.

²¹Kabogu nyilabi adivu nami la didi rie: ava nyirondili uvaga diboti adi nyisoli uvaga la dibi.

²²Mu murima ami nyirondi uduka migaga miNsambi.

²³Tumba yimumutu yiami yigemikipi kabogu migaga ami murima uiro-ndi, yimumutu yimitutsi. Diwendi rie: nyiji muviga migaga mu diambu dimasumu amavu nami.

²⁴Ka muna maguga ma nyilabi! Anyi okwamusa na dunyuru duedudu aduindasi maguga nesi te no dufu?

²⁵Nsambi adodusu, la Fumu etu Jesus Christ! Kabogu anana nyivu: meʼ beni nyurungula uduka migaga miNsambi na murima uotsu tumba yimumutu yiami yiduki migaga mimasumu.