Read Punu 1 Corinthiens 16 Bible Online

1 Corinthiens 16 - Punu bible

1 Corinthiens 16

¹Mu diambu dimbongu atsi dumagukiga utinda ombu batu baNsambi abavu o Jerusalem, duvaga munongu mosi nana nyimalonsila mabundu maGalatie.

²Tsona na tsona mutu akotingi o ndagu andi, agukiyi yima ayi odila yiri abi akunsama na mbongu tsiandi ava nyuruyila.

³Ava nyuruyila nyusindiga aba dumasola na miganda na mbongu uyevetsiga o Jerusalem.

⁴Pa vengu nyuwenda meʼ beni kabogu tuwenda va mosi.

⁵Tanguji ava nyuwendila o Macedoine, nyulesikama ombu genu uyetsana mua pesu temu. (Mu mbari nyuvioga va Macedoine.)

⁶Nyuletsana nenu mangala mbana durungula ukuamusa na muendu.

⁷Mu mbari temu ejiji ngerondi uvioga kuasa, pa Fumu erondi, nyutsinga nenu.

⁸Nyuletsana vava Ephese te na feta Pentecote.

⁹Diuleba batu abepini bavu bapuela bisalu bivu bineni; diwelimina yiri nyulesala yisalu ayivu na tsongu.

¹⁰Pa Timothee odurasuna mulasianu yisagumunu yiri agolaba murima utsira, jetu nandi tuisali yisalu yimosi yiFumu.

¹¹Kabogu mutu ayamulensa; muvetsiyianu na buranga yiri ogabuga ombu garni mu mbari nyibavivi jogu na baana bataji.

¹²Mu diambu dimuana taji etu Apollos, mbe ka menu mbe amaruga kala na baana bataji tumba asakagulu nsala ulinga. Oruga vana orondila.

¹³Kebananu, banu duwara, wangalananu na warasananu.

¹⁴Motsu ama duivayingi mavayinganu na durondu.

¹⁵Duijabi Stephanas na mukuta andi bamareyila ugobulu o Grece na va julu vana bamakevega o yisalu yibatu baNsambi. Kokolu tsienu baana bataji

¹⁶badukianu nesi basusu abesalili Nsambi nana jogu bemusalili.

¹⁷Nyilabi ubueji mu mbari Stephanas na Fortunatus na Achaicus bamaruga.

¹⁸Va yivinsa yienu bekwamusi nana bamaleduwamusila. Divu diwelimina uronda munongu eni.

¹⁹Bisi mabundu maAsie bedutindili mambolu. Aquilas na Priscille na dibundu adibenguningi o ndagu ogu bedutindili mambolu.

²⁰Baana bataji botsu bedutindili mambolu. Bumbasananu!

²¹Na dikaka diami meʼ beni Paul nyisoni adidi rie: Mboluanu!

²²Pa mutu agerondi Fumu abi alogu! Marana tha, diwendi rie: Fumu etu aruyi!

²³Maboti maFumu Jesus mabi nenu!

²⁴Durondu duandi dubi nenu mu diina diJesus Christ!